སྦྲ་ཐང་སྨུག་ཁ་རུ་རྒྱོངས་ང་། སྐྲ་ལན་བུའི་བར་ནས་ལྟོས་ར།

རྟ་ར་རའི་ཁ་སྐོར་གཅུ་ནོ། ང་ཁ་འཁྱམ་ཟ་ལེ་རྒྱལ་ཡིན།

• 
• #139

  ཙོང་ལ་རི་མོ (Wednesday, 18 August 2010 16:45)

  གང་ཡིན་མི་ཤེས་མོེད། ཡོད་ཚད་གསར་བར་གྱུར་ན་བླུན་རྟགས་ཞིག་མཐོང་གི་འདུག

• #138

  ཙོང་ལ་རིང་མོ། (Sunday, 18 July 2010 09:58)

  ཟ་ལེ་རྒྱ་ཡུལ་ན་མེད་ཀི སྒོ་ཁའི་ཁྱི་རྒན་དེར་ཕལ་ཆེར་ཉིན་ཁ་ཤས་ལ་ལྟོ་བླུད་མེད་ས་རེད། ལམ་འགྱོ་བ་ཚོས་ལྟོས་ན་སྙིང་རྗེ་ནི་ཟིག་རེད། རྐྱ་སྟོང་དེ་གང་ཟིག་ལ་བུད་སོང་ནས་ནིང་། ད་ལས་རྒྱུ་མེད་ན་ཁོ་སང་གི་ཟླ་བ་གཡང་ཅན་ལ་ཞར་ཀི་འགྱོ།
  དགོང་ཨ་སྔོན་གཡུ་ཡི་ལྡིང་ཁང་ནས།། འབྲུག་ཕོ་ཆུང་གཉིད་ལ་ཤོར་སོང་ཟིག།
  དེ་གཉིད་ལ་ཤོར་གི་བར་སྐབས་ནས།། ང་གློག་ཞགས་འཁྱུག་ར་སད་ནི་རེད།།
  ས་རང་སྡེ་གཡང་དྲུང་སྒོ་བཞི་ནས།། རོགས་ཆུང་ལོ་ལམ་མ་མཆིས་སོང་ཟིག།
  དེ་ལམ་མ་མཆིས་བའི་བར་སྐབས་ནས།། ངས་ཚིག་གསུམ་རྩེད་ར་ཡོག་ནི་རེད།།
  

• #137

  ཙོང་ལ་རིང་མོ། (Sunday, 18 July 2010 09:35)

  ཁ་ཉིན་ཡང་མདོ་སྨད་གཡང་སྡེ་ཞིག་ལ་ས྄ོང་ནས་འདི་འདྲའི་ལ་གཞས་རྣོན་པོ་ཞིག་ཤེས་སོང།ཟ་ལེའི་ཚང་ལ་ཡོང་བར་ལག་སྟོང་མིན་པ་ཙམ་གྱིས།
  ཕོ་གསར་དེས། རྟ་བརྒྱ་རྟ་མང་ཚོགས་ས་ནས།། ང་རྟ་ར་མེད་དྲ་སྒ་ར་མེད།། རྒྱུགས་དགོས་ན་ལག་ན་སྲབ་དྲ་མེད།།
  རོགས་བརྒྱ་རོགས་མང་ཚོགས་ས་ནས།། ང་རོགས་ར་མེད་དྲ་ཚིག་ར་མེད།། འགྲོགས་དགོས་ན་ལག་ན་སྒོར་མོ་མེད།།
  ཁ་བདེ་མས་འདི་ལྟར་ལན་བགྱིས་སོང་། ཁྱོད་རྟ་བོ་ཞོན་ན་འདོད་ནི་ཟིག།། ཁྱོའི་ལག་ན་སྒ་ཆ་མེད་ནི་ཟིག༏ ཅི་འདྲ་འདྲའི་རྟ་བདག་ཡ་མཚན་ཟིག། རོགས་ཆུང་ལོར་རྩེ་ན་འདོད་ནི་ཟིག། ཁྱོའི་ལག་ན་སྒོར་མོ་མེད་ནི་ཟིག། ཅི་འདྲ་འདྲའི་རྩེད་རོགས་ཡ་མཚན་ཟིག།།

• #136

  མདོ་ལའི་འཁྱམས་པོ། (Friday, 18 June 2010 19:54)

  ཨ་རོ་ཟ་ལེ་རྒྱ། ངས་ཁྱོ་ལ་དེང་རབས་གསར་བའི་ལ་གཞས་ཤིག་གི་ཞལ་འདེབས་རྒྱག།
  སྟོད་སྐུད་མེད་དྲྭ་རྒྱ་ནང་ནས།།
  གྲོགས་གཉིས་རེ་གཉིས་རེ་སྒྲིག་གི།།
  ང་སྒྲིག་རོགས་མེད་ལ་བསྡད་ཡོད།།
  ངའི་སྒྲིག་རོགས་དྲྭ་མོ་ཁྱོ་ཞེས།།
  
  སྨད་གྲོང་ཁྱེར་ཞབས་བྲོའི་ཁང་ནས།།
  རོགས་གཉིས་རེ་གཉིས་རེ་འཁྲབ་གི།
  ང་འཁྲབ་རོགས་མེད་ལ་བསྡད་ཡོད།།
  ངའི་འཁྲབ་རོགས་གསར་མོ་ཁྱོ་ཞེས།

• #135

  ནོར་རྫི་ཚེ་རིང (Wednesday, 09 June 2010 12:59)

  ཨ་ཁུ་རྩམ་དགའ་རྩམ་ཁུག་འཚོལ་དུ་བྱིན།། ཟླ་བ་གཡང་ཅན་ཟླ་བོས་དམ་ལ་བཏག།
  ཟ་ལེ་ཚང་གི་རྩེད་ཁང་གྲི་བཞི་འདི།། ལ་ལའི་དབྱངས་རྟས་བོར་ནས་ཟླ་འགའ་འགོར།།
  
  ཨ་རྩམ་དགས་རྩམ་ཁུག་ཁྱེར་ནས་ཤོགས།། ཟླ་བས་ཟླ་བོའི་བཀའ་རྒྱ་གཏོར་ནས་ཤོགས།།
  ནོར་རྫི་ངས་ཀྱང་འུར་ཆ་བཟུང་ནས་ཡོང་།། རྩེ་ར་འདི་ནས་རྩེ་མགོ་ཡང་བསྐྱར་འཛུགས།།

• #134

  ཟླ་བ་གཡང་ཅན (Friday, 09 April 2010 08:05)

  དགོང་ཨ་སྔོན་གཡུ་ཡི་ལྡིང་ཁང་ན།།
  འབྲུག་གྲགས་རྒྱུ་མེད་ནོ་ཅི་ཞིག་རེད།།
  
  ས་རང་སྡེ་གཡང་དྲུང་སྒོ་བཞི་ན།།
  རོགས་མཐོང་རྒྱུ་མེད་ནོ་ཅི་ཞིག་རེད།།

• #133

  ཟླ་བ་གཡང་ཅན (Saturday, 27 March 2010 07:59)

  ནོར་བཅས སྤང་

• #132

  ཟླ་བ་གཡང་ཅན (Saturday, 27 March 2010 07:58)

  རྟ་འདོ་བའི་ཕ་ས་གང་གི་ཡིན།།
  ང་གྲོ་རྒྱལ་སྥང་དཀར་ཀླད་གྱི་ཡིན།།
  ས་སྥང་དཀར་རྟ་བརྒྱ་སྤྱི་ཡི་རེད།།
  རྟ་ཁྱོད་ར་རྒྱུག་དང་ང་ཡང་རྒྱུག།
  
  ཕོ་ཁྱེད་རང་ཕ་ས་གང་ནས་ཡིན།།
  ང་བུ་མོ་སྡེ་ཆེན་ད་ནས་ཡིན།།
  ཁ་ལ་གཞས་རོགས་བརྒྱ་སྤྱི་ཡི་རེད།།
  རོགས་ཁྱོད་ཀྱིས་ལོངས་དང་ངས་ཀྱང་ལེན།།

• #131

  འབྲོང་བདའ (Friday, 19 February 2010 16:28)

  དགོ་གཡང་རེ。。。。。。
  ན་ནིང་ལུག་མང་གྲལ་གྱི་ལག་ག་ཁྱོད
  རྩི་ཐོ་ལྡུམ་བུ་ཟས་ནས་མ་ཤི་ཐ
  ད་ལོ་སྲས་ཁ་བུ་ཡག་བཙན་ནི་གི
  ཕྱུག་བདག་དགའ་ཟིག་མེད་ན་དཀའ་རྒྱུ་རེད
  

• #130

  རྩམ་དགའ (Saturday, 13 February 2010 17:16)

  མ་མཐོང་སེམས་ཐག་ཉེ་བའི་རྒྱང་རིང་གི་གྲོགས་པོ་ཟ་ལེ་ལགས།
  ལོ་གསར་བའི་ནང་ལ་བྱ་བ་ལམ་འགྲོ་ཡོང་བའི་སྨོན་ལམ་དང་བཀྲིས་བདེ་ལེགས་ཡོད།
  མི་ཆུང་ངས་ད་བར་དུ་འདིར་རྐང་བརྐྱངས་ལག་བརྐྱངས་བྱས་ནས་བསྡད་རིང་ངོ་མས་སྐྱིད་པོ་བྱུང་ཐུགས་རྗེ་ཆེ།
  དེ་མིན་གཞན་ཅང་བཤད་ཡ་མེད་བདེ་མོ།

• #129

  རྩམ་དགའ་ (Tuesday, 02 February 2010 05:30)

  སྟོད་སྡེ་ཆེན་དཀྱིལ་གི་ཞི་མོ་ཚོ། །
  གླུ་ལ་གཞས་ལན་གི་ཕེབས་ཤོག་ར། །
  སྨད་ཡུལ་ལུང་གླུ་ཡི་ཞིང་ཁམས་ནས། །
  ཕོ་ལ་གཞས་ཅན་པོ་ཐོན་ནས་ཡོད། །
  
  གླུ་ལ་གཞས་ཆར་བ་འབབ་འབབ་རེད། །
  ཆར་བསིལ་མ་ལོ་ཡག་རྟེན་འབྲེལ་རེད། །
  འབྲི་སྣ་ལྔར་རེ་བའི་ན་ཟླ་ཚོ། །
  ད་མ་འདུག་གླུ་ཡི་ཞིང་ལ་ཕེབས། །
  

• #128

  རྩམ་དགའ (Thursday, 31 December 2009 22:30)

  གླུ་ལ་གཞས་ལན་པའི་གྲོགས་ཡོངས་ལ། །
  ལོ་གསར་བའི་ཚེས་བཟང་ཉིན་མོ་འདིར། །
  ང་ཨ་ཁུ་རྩམ་དགའི་སེམས་གཏིང་ནས། །
  བཀྲ་ཤིས་པའི་རྟེན་འབྲེལ་ལན་གསུམ་ཞུ། །

• #127

  རྩམ་དགའ (Monday, 28 December 2009 06:53)

  ༁་ཁུ་རྩམ་དགའ་ང་ཞི་མོ་ཆ་རེར་ཐུག་ནས་ད་བར་ལྷག་སོང་ཐལ། པཱོ་ཟིག་ལངས་མི་ཉན་ནོ་ཤེས་ཀ་ཟེར།
  

• #126

  ནོར་རྫི་ཚེ་རིང (Tuesday, 22 December 2009 07:51)

  ཚང་མ་བཏོན་དང་ང་།

• #125

  རྩམ་དགའ་ (Tuesday, 22 December 2009 00:28)

  རྟ་འདོ་བ་འགྱོག་ནོ་བཤད་ན། །
  དགོང་གནམ་མཁའི་བྱ་ཡི་འགྱོག་རེད། །
  རྒྱུགས་གོམ་ཁ་དྲང་ནོ་གླེང་ན། །
  མདའ་ལི་མ་གན་གི་ཡན་རེད། །
  

• #124

  ཟ་ལེ་རྒྱལ། (Sunday, 20 December 2009 10:27)

  འ་ལགས་ནས་ང་ལ་འོག་གི་འབྲེག་ཐག་འདི་གནང་བར་ཐུགས་རྗེ་ཆེ།

• #123

  མོ་སྟོན་ཕག་མགོ (Saturday, 19 December 2009 20:58)

  རྟ་འདོ་བ་དྲུག་ཞེང་ཅན་པོ།།
  རྒྱུག་གོམ་ལག་ནམ་མཁའི་བྱ་ཡིན།།
  རྒྱལ་འཇོག་གི་སྥོབས་པ་ཡོད་ན།།
  གྲོགས་ཟ་ལེའི་དྲ་བར་ཕེབས་ཤོག།
  

• #122

  འ (Saturday, 19 December 2009 20:36)

  http://www.youtube.com/watch?v=5Ke3afKeP6U

• #121

  tenxin (Saturday, 19 December 2009 20:33)

  hi

• #120

  ནོར་རྫི་ཚེ་རིང (Friday, 18 December 2009 01:44)

  རྟ་འདོ་བ་དུད་འགྲོ་གཉོམ་ཆུང་རེད།།
  ངས་མི་ཞོན་ད་ཐང་འཇོག་རྒྱུ་ཡིན།།
  
  ཁ་ལ་གཞེས་ཁ་ཡི་ཁ་རླངས་རེད།།
  ངས་མི་ལེན་ད་ཐང་འཇོག་རྒྱུ་ཡིན།།

• #119

  རྩམ་དགའ (Thursday, 17 December 2009 17:20)

  རྒྱལ་འཇོག་གི་སྤོབས་པ་མེད་ཀི །
  སྒལ་སྲབ་ཀི་རྒྱལ་ཕམ་མི་རྩོད། །
  ཁ་ལ་གཞས་ཐར་ཐོར་ལན་ཞོར། །
  རྒྱུགས་གོམ་ལག་འགྲན་ན་ང་ཡོང་། །

• #118

  དཀོ་ལོ་མ་ལོ། (Thursday, 17 December 2009 12:32)

  རྟ་རྒྱུག་ནི་ཡོད་ན་རྒྱལ་འཇོག།
  རྒྱལ་འཇོག་ན་རྒྱབ་ཀི་སྒལ་འཇོག།
  སྒལ་འཇོག་ནི་ཡོད་ན་འདིར་ཤོག།
  
  རོགས་རྩེད་ནི་ཡོད་ན་རྒྱལ་འཇོག།
  རྒྱལ་འཇོག་ན་རྒྱབ་ཀི་མཐོ༼མཐུ་བ༽འཇོག།
  མཐོ་འཇོག་ནི་ཡིད་ན་འདིར་ཤོག།

• #117

  རྩམ་དགའ (Wednesday, 16 December 2009 18:37)

  ཁྱོད་ནོར་རྫི་འགྲོ་ས་རི་ལུང་རེད། །
  རི་ལ་ཐུར་གཉིས་ཀ་བགྲོད་ལམ་རེད། །
  ཁ་ལ་གཞས་ཁྱར་ཁྱོར་འཐེན་རོག་དེ། །
  མ་འབྲོག་མོ་ཡིན་ནོ་ཤེས་ནི་རེད། །
  
  ཁྱོད་ནོར་རྫི་ནོར་གི་དགྲ་ཟིག་རེད། །
  རི་སྤྱང་ཁུ་དམར་བོའི་བཙོག་ཟིག་རེད། །
  ནོར་མང་བོ་བཤས་ནས་ཟས་དང་ཐལ། །
  ཁ་ཁོམ་དུས་མ་ཎི་ལོས་ཟིགའདོན། །
  
  ཁྱིམ་རྒན་མོ་མེད་ན་བཀའ་ནི་རེད། །
  མོ་རིག་རིག་ཚང་མར་ཁ་ཡག་ཤོད། །
  ས་འདི་ན་ཨ་ཁུ་རྩམ་དགའ་ངས། །
  གྲོགས་ཁྱེད་ལ་རོགས་ཟིག་བཙལ་རོག་བྱེད། །
  
  
  
  

• #116

  ནོར་རྫི་ཚེ་རིང (Wednesday, 16 December 2009 12:06)

  ནོར་རྫི་དད་པ་ཅན་པོ་མི་ཁོམ་རུང་།།
  སེམས་ཁོམ་དུས་གསོལ་འདེབ་ཀྱིན་ཡོད།།
  ཁ་ཁོམ་དུས་མ་ཎི་འདོན་གྱིན་ཡོད།།
  ཤི་དམྱལ་བའི་འཇིག་སྐྲག་བསམ་གྱིན་ཡོད།།
  
  ང་ནོར་རྫི་གནས་ས་རི་ལུང་ཡིན།།
  ཕྱག་འཚལ་ས་དཀོན་ཅོག་རྣམས་གསུན་ཡིན།།
  ངའི་རྩེད་རོགས་ཁ་ཡ་ན་ཟླ་ཡིན།།
  ངའི་རྩེད་ཆས་ཁ་མཚར་ལ་ལ་ཡིན།།
  
  ང་ནོར་རྫི་དགའ་ས་མཛེས་མ་ཡིན།།
  ངས་སྡེ་རི་ཉུལ་དོན་དེའི་ཆེད་ཡིན།།
  ང་རྒན་མོ་མེད་ལ་མི་རྐྱང་ཡིན།།
  རོགས་གང་ནས་ཐུགས་ན་རྩེ་རྐྱང་ཡིན།།

• #115

  རྩམ་དགའ (Tuesday, 15 December 2009 20:08)

  ཨ་ཁུ་བུ་མོར་དགའ་ནོ་ཁོ་ཐག་ཡིན། །
  ནོར་རྫི་དད་པ་ཅན་ཡིན་མི་ཤེས་ཀི །
  མཛེས་མར་རིགས་དུས་ང་ལས་བཙོག་ཟིག་རེད། །
  རྒན་མོ་ཡོད་དུས་ཉམ་ཆུང་འདྲ་ཟིག་རེད། །
  
  ཨ་ཅེ་ཟླ་བ་འགྱུར་ནས་འགྲོ་གོ་གི །
  ཟ་དང་ཟུར་ནས་རྒས་རྟགས་སྟོན་གོ་གི །
  གཅེས་ཕྲུག་འགའ་རེའི་ཨ་མར་འདོད་གོ་གི །
  བ་ལི་ཆ་རེར་བཞོ་ན་འདོད་གོ་གི །
  
  

• #114

  ཟླ་བ་གཡང་ཅན (Tuesday, 15 December 2009 12:08)

  ཨ་ཁུ་དགེ་སློང་བུ་མོ་དགའ་གི།
  ནོར་རྫི་རྒད་པོ་དད་པ་ཡོད་གི།
  ནག་མོ་ནོར་ལ་གོ་བ་མེད་གི།
  ན་ལུང་སྨུག་ལ་དུང་མཐའ་མེད་གི།
  
  བུ་མོས་བསམ་དོན་འགྲུབ་ཐལ།།
  འབྲི་མོ་ཡུལ་ལ་དོན་ཐལ།།
  དགོ་དགོ་ངག་གིས་བཀུག་ཏེ།།
  འོ་མ་འཇོ་རུ་ང་འགྲོ།།

• #113

  རྩམ་དགའ (Tuesday, 15 December 2009 07:32)

  བླ་ཆེན་ཞིག་གི་མདུན་ལ་མི་འགྲོ་ཁོ་ཐག་ཡིན། །
  ང་དང་ཁོ་ཡི་རྩོད་གཞི་བཙོག་ནོ་མཁྱེན་ནི་རེད། །
  ཨ་ཅེ་ཁྱེད་ཀྱིས་བར་འདུམ་གནང་ན་འགྲིག་ནི་རེད། །
  མཚན་མོ་ཞིག་གི་དོན་དག་ཡིན་ནོ་ཤེས་ནི་རེད། །

• #112

  ཟླ་བ་གཡང་ཅན (Tuesday, 15 December 2009 03:14)

  དགོན་ཆེན་སྒྲིག་གིས་བསྡམ་པའི་དགེ་སློང་དང་།། དུས་བཞིར་རི་ལུང་འགྲིམ་པའི་ནོར་རྫི་གཉིས།། ན་ཆུང་བུ་མོ་དག་གི་རྩོད་གཞི་འདི།། བླ་ཆེན་དམ་པའི་མདུན་གླེང་རོགས་ཞུ།།

• #111

  ནོར་རྫི་ཚེ་རིང (Monday, 14 December 2009 11:38)

  ཟ་ལེ་ལགས།
  ལྐ་ལྐོ་ད་དུང་བརྒྱུད་ནས་དེ་རིང་འདྲ་སྡེ་ཐང་ལ་སླེབ་སོང་
  ད་ཇ་མངར་མོ་རེ་ཡོད་ན། ཤ་ཚོན་པོ་རེད་ཡོད་ན་ཁྱེར་ཤོག་དང་
  

• #110

  ཟ་ལེ་རྒྱལ། (Saturday, 12 December 2009 14:46)

  ནོར་རྫི་ཚེ་རིང་ལགས
  ངའི་དྲ་མགོན་དུ་ཕེབས་པར་ཐུགས་རྗེ་ཆེ། ཕལ་ཆེར་ཁྱོད་རང་སྣ་དང་རྐང་བ་གཉིས་ཀས་ཆེ་ཆུང་ལ་འགྲན་བསྡུར་བྱེད་བཞིན་པའི་གྲོགས་པོ་དེ་ཡིན་པ་འདྲ་བས། ཡིན་ན་ལན་ཞིག་བྱིན།
  

• #109

  ཟ་ལེ་རྒྱལ། (Saturday, 12 December 2009 14:43)

  ས་འདི་ན་རོགས་ལོ་མང་གི།
  རོགད་རང་མཐུན་རང་ང་དཀོན་གི།
  
  ས་འདི་ན་སེང་དུང་མང་གི།
  སེང་རང་གྲགས་རང་ང་དཀོན་གི
  

• #108

  རྩམ་དགའ (Saturday, 12 December 2009 06:27)

  རྒད་པོ་ལགས།
  ལ་གཞས་འདི་ནི་འཇིག་རྟེན་ཕོ་མོ་ལས། །བཙུན་པ་དག་གིས་དོར་བྱ་ཡིན་པའི་རྟགས། །
  ཁྱེད་ལ་ཡོད་ན་ད་ལྟར་ཁུར་ནས་ཤོག །མེད་ན་ནོར་རྫི་ཁྱོད་ནི་ངོ་རེ་ཚ། །
  ཁ་ནས་གསལ་དང་མ་གསལ་མི་འདུག་ལོ། །ཁྱོད་ལ་སེམས་ཁུར་ལྕི་ནོ་ཤེས་ནི་རེད། །
  ཨ་ཁུ་བཙུན་པ་དག་གིས་ནོར་རྫི་ཁྱོའི། །རྒན་མོ་འཕྲོག་ནས་འབྲོ་ནི་མ་རེད་ལོ། །
  ནོར་ལུག་མི་ཚང་སེམས་ཁུར་ཆེ་དང་གཅིག །རྒན་མོས་རྒྱོ་གི་མི་འཇུག་དཀའ་ལེ་གཉིས། །
  གང་ཡང་མེད་པའི་དགེ་སློང་བཙུན་པ་ཚོའི། །མི་ཚེ་འདི་ལས་སྐྱིད་ཅིག་གང་ན་ཡོད། །
  ད་ནི་བཙུན་པ་ཁོ་བོ་འགྲོ་རན་སོང་། །བུ་མོ་ན་ཆུང་ཞིག་གིས་འབོག་གོ་གི །
  ནོར་རྫི་ཁྱོད་དང་རྩེས་ནས་འདུག་བསམ་ཡང་། །གན་གི་སྒུག་ནོ་བཙོག་གི་བུད་ལ་འགྱོག །
  

• #107

  ནོར་རྫི་ཚེ་རིང (Friday, 11 December 2009 22:55)

  བཙུན་པ་ལགས།
  འཇིག་རྟེནཕོ་མོའི་ལ་གཞས་ཟེར་བ་འདི།། བཙུན་པ་འདུ་ཁྲིམས་ཅན་གྱི་བརྒྱང་བྱ་མིན།། ལང་ཚོ་དར་ལ་བབ་པའི་གཞོན་ནུ་མ།། དགེ་སློང་སྡོམ་ལྡན་རྣམས་ཀྱི་རྩེད་རོགས་མིན།།
  ལུག་རྫི་ནོར་རྫི་དག་གི་རྩེད་ཆས་འདི།། གྲྭ་བ་གཟན་ཤམ་ཅན་གྱི་བསླང་བྱ་མིན།། འཁོར་བའི་གཏང་རྡོ་ལྕི་བའི་ཁྱིམ་པ་ལ།། དགེ་སློང་ཡིད་སྨོན་ཤོར་བ་ཡ་རེ་ང་།།
  ནོར་རྫི་དད་པ་ཅན་པོས་ཞུ་བ་བྱེད།། དགེ་སློང་དབེན་གནས་འགྲིམ་པས་རེ་བ་ཞུ།། འདུ་ཁྲིམས་ཉམས་ཆག་མི་གཏོང་རེ་བ་ཞུ།། བླ་མའི་བཀའ་དང་མི་འགལ་རེ་བ་ཞུ།།
  དྲིན་ཅན་ཕ་མའི་རེ་འབྲས་ཡོད་དོ་ཅོག། རྩ་བརླག་མ་གཏོང་རི་ཁྲོད་འགྲིམ་པའི་བུ།། དམ་པ་ཆོས་ཀྱི་སྙིང་བོ་མ་ནོར་བར།། ཉམས་སུ་ལོངས་ཤིགས་སྟོན་པའི་རྗེས་འཇུག་པ།།
  

• #106

  རྩམ་དགའ (Wednesday, 09 December 2009)

  ནོར་ལུག་ཆ་བོ་ཕར་ལ་ཤོར་ནས་ཐལ། །
  ཨ་ཁུའི་ཁ་ལ་ཉན་ནས་མ་འདུག་ལོ། །
  ནོར་ལུག་ཁ་ཁེར་དོ་དགོང་མ་ཚང་ན། །
  རྒན་མོས་ཉལ་ཁ་སྡུག་ན་དཀའ་ནི་རེད། །
  

• #105

  ནོར་རྫི་ཚེ་རིང (Wednesday, 09 December 2009 04:03)

  ནོར་བཅོས
  བླ་རྒན་རྩམ་དགའ

• #104

  ནོར་རྫི་ཚེ་རིང (Wednesday, 09 December 2009 04:01)

  ཞི་མོ་འདི་ཆ་ཅི་ཞིག་མ་ཉན་ནས་ན། ད་ལྦ་རྩམ་དགའ་རྫོག་རྒྱུ་རེད་གོ། བྱ་ངན་འདི་འདྲ་ཞིག་གི་རྐྱེན་གྱིས་ད་ཁ་སང་དེ་རིང་གྲྭ་བ་བརྒྱ་ཆའི་མང་བོ་ཞིག་ལོག་འགྲོ་གི་ཡོད་ནི་རེད། ཨ་ཤུ་རེ་གོ

• #103

  རྩམ་དགའ (Saturday, 05 December 2009 20:22)

  ཨ་ཅ་ཟླ་བས་དེ་རིང་ཆི་ཟེར་གི། །གོང་ལྷ་ཆེན་ཚང་པའི་ཞིང་ཁམས་ནས། །
  དམའ་ཀླུ་ཡི་གྲོང་ལ་ཐུག་པའི་བར། །བུ་མོར་མི་འདོད་ཕོ་ཟིག་ཨེ་ཡོད་ལགས། །
  
  གྲྭ་ཁྲིམས་བཙན་པོའི་འོག་ན་ཡོད་གྱུར་ན། །ཨ་ཁུ་རྩམ་དགའ་ཁོ་བོ་སྔོན་ཟིག་ནས། །
  དགེ་བསྐོས་ཤིག་གི་དབྱུག་པའི་འོག་ནས། །ཁ་དང་རླིག་པ་འདི་གཉིས་ཚར་སོང་ཡོད། །
  
  བཙུན་མ་ཆ་བོའི་སྒོ་ཁ་ལོས་རྒྱག་ར། །ཨ་ཅ་ཁྱོས་ཀྱང་རུམ་ཁ་ལྷོད་མི་ཉན། །
  ཨ་ཁུའི་རླིག་པ་འདི་ཡིས་མི་ཉན་ནོ། །བུ་མོ་བརྒྱ་ཡི་སེམས་ལ་ཡོད་ནི་རེད། །
  
  ཨ་ཁུ་རྩམ་དགའི་སེམས་ཀྱི་རྩེད་རོགས་མ། །ཨ་ཅ་ཟླ་བ་གཡང་ཅན་ཁྱོད་ཀྱིས། །
  ཨ་ཁུ་ཁོ་བོ་སེམས་ནས་མ་བརྗེད་པར། །ཨ་རོགས་ཟེར་བཞིན་ཐོན་ནོ་བཟང་ཐལ་ལོ། །

• #102

  ཟླ་བ་གཡང་ཅན (Saturday, 05 December 2009 12:32)

  གསར་བུ་ཟ་ལེ་ཚང་གི་རྩེད་ར་ན།། ཨ་ཁུ་རྩམ་དགས་སྡུག་གཏམ་བཤད་ནོ་བལྟོས།། བུ་མོ་མང་བོ་བཙལ་ན་འདོད་གོ་ཁུ།། རིན་ཆེན་སྡོམ་པའི་རིན་ཐང་ཉམས་གོ་ཁུ།། ཨ་ཁུའི་འདོད་པའི་རྒྱལ་མཚན་ལང་གོ་ཁུ།། ཨ་ནེ་ཁར་ཁེར་ཚེ་ཐག་ཐུང་གོ་ཁུ།། བཙུན་དགོན་སྒོ་ཆེན་གཏན་ན་ཡག་ཚད་རེད།། ཨ་ཁུ་འུ་ཚུག་ཅན་པོ་འགོག་ཚད་རེད།། བཙུན་མའི་སྡོམ་པ་བདག་པོ་རྒྱག་ཚད་རེད།།
  ཨ་ཁུ་རྩམ་དགའི་སེམས་ལ་མ་གནོད།། ཨ་ནེ་བཙུན་མ་དགོང་པ་མ་ཚོམས།། ཨ་རོགས་ཟ་ལེ་ཚང་གི་རྩེ་རར།། ལན་གཅིག་རྩེ་རུ་ཡོང་ན་སྐྱིད་གི།

• #101

  རྩམ་དགའ (Thursday, 03 December 2009 01:56)

  ཨ་ཁུ་རྩམ་དགའ་ཕོ་རྒོད་མེད་པས། །
  ཞི་མོ་ཆ་བོ་རྒྱང་ནས་བྲོས་འགྲོ་གི །
  མཇེ་ངན་འདི་ཡིས་ཧ་ཟིག་མི་གོ་ནོ། །
  ར་ཕོ་འདི་ལས་སྡུག་ཟིག་ཡིན་ནོ། །

• #100

  རྩམ་དགའ (Sunday, 29 November 2009 16:48)

  སྦྲ་ཐང་སྨུག་གན་གི་མཐའ་ན། །
  རྟ་ཁེ་འདུག་རིག་ནོ་གན་གི །
  མགོ་ཐང་ལ་སྒུར་ནོ་བལྟས་ན། །
  རོགས་རྩེད་རོགས་དྲན་ནོ་ངན་གི །

• #99

  ཟ་ལེ་རྒྱལ། (Friday, 27 November 2009 22:26)

  རྨ་ཕ་རིའི་སྨྱུག་ལུང་ད་ནས།།
  སྨྱུ་བཏབ་ནས་ལོ་ར་ཟླ་ཡིན།།
  སྨྱུག་སེར་རོ་སྐྱེས་སྟོབས་མེད་ན།།
  མདའ་ལི་མ་ངན་ཁག་མ་འཇོག
  
  

• #98

  རྩམ་དགའ (Wednesday, 25 November 2009 18:49)

  ཁ་ཚིག་སྙན་མོ་ཁུ་བྱུག་འདྲ་ལ། །
  ཁ་ཁོག་དོག་མོ་རེའུ་འདྲ་ཟིག །
  ཁ་རོགས་མི་འདུག་ཟ་དང་ཟུར་ནས། །
  ཁ་ལོག་ཚིག་ལོག་བྱས་ན་ངར་ནོ། །
  ཨ་ཁུ་ཟ་ལེའི་རྩེད་ར་སྐྱིད་དང་གཅིག །
  ཨ་ཅེ་ཟླ་བ་ཁ་ལྕེ་བདེ་དང་གཉིས། །
  ཨ་ཁུ་རྩམ་དགའ་རྒྱོ་ལ་མཁས་དང་གསུམ། །
  འདི་གསུམ་འཛོམས་དུས་ལྟོན་མོ་མང་ནི་རེད། །

• #97

  ཟླ་བ་གཡང་ཅན (Wednesday, 25 November 2009 11:28)

  ཨ་ཁུ་ས་ལེ་ཚང་གི་རྩེད་ར་ནས།། ལ་ལ་རྩེ་སྐྱེད་བྱས་ན་སྐྱིད་ནི་གི། རྩེ་རོགས་རྩམ་དགའི་ལ་ལ་སྙན་ནི་གི། ཁ་ཚིག་དྲོན་པོའི་བྲོ་བ་བཟང་ནི་གི། ཆུང་དུས་རོགས་ལོ་ཡིད་ནས་བརྗེད་སོང་སིག།

• #96

  ཚེ་རིང་ལོ་བརྒྱ (Wednesday, 25 November 2009 11:01)

  རོགས་ཆུང་ལོ་སྔྱིང་ལ་རྗེ་བོ

• #95

  ཟ་ལེ་རྒྱལ། (Tuesday, 24 November 2009 21:18)

  ངའི་ན་ཟླའི་རོགས་ལོ་ཤོད་ལ།།
  རོགས་དུས་གནམ་གི་ངོར་ལྟོས།།
  གནམ་རྒྱ་འཁྲུག་བྱེད་ན་མ་ཡོང་།།
  ཆར་ཟམ་ཟིམ་ཚེགས་ལ་མ་འཛེམས།།
  

• #94

  རྩམ་དགའ (Tuesday, 24 November 2009 18:16)

  ཁ་ཐག་རིང་ཡང་སེམས་ཐག་ཉེ་བའི། །
  དྲ་གྲོགས་ཁྱེད་ཚོ་ཡོང་རྒྱུ་དཀའ་ནོ། །
  ལམ་འགྲོ་རྫིད་པོ་ཞིག་ལ་ཐུག་ནས། །
  ཨ་ཁུ་རྩམ་དགའ་བརྗེད་ནི་མི་འགྲོ །

• #93

  རྩམ་དགའ (Friday, 20 November 2009 18:15)

  ཨ་ཁུ་རྩམ་དགས་ཉིན་ཤས་སྔོན་ནས། །
  བུ་མོ་ཁྱོད་ནི་ཡོང་རྒྱུ་འདོད་ནས། །
  ཉིན་སྒུག་མཚན་སྒུག་བྱས་ནས་བསྡད་ཀྱང་། །
  ད་བར་རིག་རྒྱུ་མེད་ནོ་ཆི་ཟིག་རེད། །
  ད་ནས་ཡོང་རྒྱུ་མིན་ན་ཡོང་འདོད་བཤད་ནས། །
  ཨ་ཁུའི་སེམས་ནང་དཀའ་ངལ་མ་འཇོག་དྲིན་ཅན་མ། །
  རླུང་དྲག་ཆའི་ཁྲོད་དུ་སྒུག་ནས་འདུག་རྒྱུ་དེ། །
  དཀའ་མོ་ཡིན་ནོ་བུ་མོ་ཁྱོས་ར་ལོས་ཤེས་སྙམ། །

• #92

  བཀྲ་ཤིས་འཚོ (Friday, 20 November 2009 11:21)

  སྦྲང་དཀར་རྩམ་པའི་ཁྱོད་མ་ངོམ་ན།
  ལྡ་ལིའི་ལྡེ་གུས་ལྟོ་བར་མི་ཁེངས་བས།
  རྒྱུ་མའི་མཐུལ་ནས་ལ་གཞས་ཐར་ཐོར་རེ།
  ཤུགས་ཀྱིས་ཇི་ལྟར་བླངས་རུང་མི་གོ་གི།

• #91

  རྩམ་དགའ (Thursday, 19 November 2009 22:26)

  སྦྲ་དཀར་འོ་མར་འདྲ་བའི་རྩམ་པ་ཟོས་ནས། །
  ལང་ཚོའི་རང་བཞིན་དར་བའི་ཨ་ཁུ་ཚང་གི །
  མཇེ་འདིར་མཐོང་ན་ཟླ་བ་དབྱངས་ཅན་ཁྱོད་ར། །
  ཨ་ཁུ་རྩམ་དགའི་ཁ་ལ་ཉན་ནི་རེད་ཀོ །

• #90

  རྩམ་དགའ། (Wednesday, 18 November 2009 20:02)

  གནམ་སྔོན་པོ་གུར་ཁང་འོག་གི །
  གཡུ་ལོ་མའི་རྩྭ་ཐང་སྟེང་གི །
  སྦྲ་ཐང་སྨུག་་གན་གི་ནང་ན། །
  མ་བུ་མོ་དབྱངས་ཅན་འདྲ་བའི། །
  དུང་ནུ་མ་བུམ་ཆུང་འདྲ་ལ་། །
  སྐྲ་ལན་བུ་ཕྲག་ཏུ་འཕྱངས་ཤིང་། །
  བཞིན་འཛུམ་ཆུང་ཟླ་ལས་ཡག་པའི
  ངའི་ཆུང་འདྲེས་རྩེད་རོགས་ཚང་གི །
  སྦྲ་སྨྭག་ཆུང་ཡིད་ལ་དྲན་གི །
  
  
  

• #89

  ཟ་ལེ་རྒྱལ། (Monday, 16 November 2009 00:01)

  དྲ་གྲོགས་ཚོས་ལ་གཞས་ལེན་ཞོར་དང་ལ་གཞས་ལ་ཉན་ཞོར་བྱོས།

• #88

  རྩམ་དགའ (Sunday, 15 November 2009 21:37)

  སྡོམ་དང་མ་སྡོམ་ཟོག་ནི་མི་ཤེས་ལ། །
  རྩམ་པའི་བདུད་ཟིག་དེ་བས་མ་ཡིན་ཡང་། །
  ཞི་མོ་ཆ་བོའི་བདུད་ཟིག་ཡིན་དང་ནོ། །
  ཨ་ཅེ་ཟླ་བ་ཁྱོད་ལ་མནའ་ཟིག་སྐྱལ། །

• #87

  ཟ་ལེ་རྒྱལ། (Sunday, 15 November 2009 18:32)

  ཨ་ཁུ་རྩམ་དགའ་ཟླ་བ་དབྱངས་ཅན་གཉིས།།
  མ་དྲོས་ངང་གིས་མཐུན་སའི་རྩེད་ར་འདིར།།
  རྩེད་ལ་དགའ་ཞིང་དགོད་ལ་སྤྲི་བའི་བུ།།
  ད་དུང་ཡོད་ན་ད་དུང་ཕེབས་རོགས་མཛོད།།

• #86

  ཟླ་བ་གཡང་ཅན (Saturday, 14 November 2009 23:27)

  ཨ་ཁུ་རྩམ་དགའ་རྩམ་པའི་བདུད་ཞིག་རེད།། རྩམ་པ་མེད་དུས་ཅི་གསུང་སྙན་ངག་རེད།། སྡོམ་པས་བསྡམས་པའི་དགེ་སློང་ཞིག་མིན་ན།། བུད་མེད་ཚང་མ་དགའ་ནོ་ཁོ་ཐག་རེད།།

• #85

  རྩམ་དགའ (Saturday, 14 November 2009 21:04)

  ར་ལུག་སེམས་ཅན་དཀོན་ས་ནས། །
  ལབ་རྩེ་མཆོད་འབུལ་མེད་ས་ནས། །
  ཤ་ལས་ལྡུམ་བུ་བྲིན་ས་ནས། །
  ས་རྩོད་ཆུ་རྩོད་མེད་ས་ནས། །
  ཧ་ཧའི་དགོད་སྒྲ་ཉུང་ས་ནས། །
  ཨ་ཁུ་ཟ་ལེའི་རྩེ་ར་འདིར། །
  སྐྱོ་དུས་སེམས་གཏམ་བཤད་ས་དང་། །
  དགའ་དུས་ལ་གཞས་ལེན་ས་རེད། །

• #84

  ཟླ་བ་གཡང་ཅན (Saturday, 14 November 2009 09:54)

  ཁ་བདེ་ལྕེ་བདེའི་ཁ་ཚིག་རྣོ་ས་ནས།། ཁ་མཚར་ལ་ལ་གསར་བཟོ་བྱེད་ས་ནས།། ཚིག་ཟུར་སྟོད་སྨད་ཀུན་ལ་འཕེན་ས་ནས།། ཁྲི་ཁའི་བླ་མ་དགོན་པའི་གྲྭ་བདང་།། ལ་ཁའི་ལུག་རྫི་ཆུ་ཁའི་ཆུ་ལེན་སོགས།། འཚོ་བའི་རོབཅུད་སུ་ལ་ཅི་འབྱོར་བ།། རྩེ་ར་འདི་ནས་རྩེ་བྱེད་བྱེད་དོན་གང་།།

• #83

  རྩམ་དགའ (Saturday, 14 November 2009 01:10)

  འབའ་གཡངས་དཀར་ལུག་རྭའི་ནང་ངེར། །
  སྡིག་སྤྱང་ཁུ་འཚང་ན་འདོད་ཀོ་གི །
  གཉིད་མ་འདུག་ལུག་རྫི་ལོ་ལོ། །
  སླས་རྭ་བསྐོར་སྲུང་ན་རན་གོ་གི །

• #82

  ཟ་ལེ་རྒྱལ། (Friday, 13 November 2009 21:04)

  ར་རྫི་ལུག་རྫི་ཆ་བོ་མྱི་སྐྱ་རེད།།
  ལ་ལུང་ཀུན་ལ་རྒྱུག་ནོ་ལས་དབང་རེད།།
  ཤ་མར་ཐུལ་ལ་རོལ་ནོ་སྡིག་པ་རེད།།
  ས་ཆུའི་གནོད་པ་བྱུང་ནོ་བཀའ་ཆད་རེད།།
  

• #81

  རྩམ་དགའ (Friday, 13 November 2009 17:39)

  ར་ལུག་ཅིག་གི་སྲོག་ཡང་བཅད་མེད་ལ། །
  ལ་ལུང་མི་ལ་མགོ་སྐོར་མ་བྱས་ཤིང་། །
  ཤ་ཁྲག་ལུས་འདི་བསྐྱུར་ནས་འགྲོ་བའི་དུས། །
  ས་ཐོབ་རྗེ་བོའི་ཁྲིམས་ལ་སྐྲག་དོན་མེད། །

• #80

  བཀྲ་ཤིས་འཚོ (Thursday, 12 November 2009 08:43)

  ཞྭ་སེར་བསྟན་པའི་བདག་པོ་དགེ་སློང་རེད།
  ཟ་རྒྱུ་འཐུང་རྒྱུ་མང་ནོ་བསོད་ནམ་ཡིན།
  འ་འུར་དབྱིངས་ན་མི་ཚེ་སྐྱིད་ནོ་འདི།
  ཡ་མ་ཟུང་གི་སྐྱ་མིན་སེར་མིན་རེད།
  

• #79

  ཀུན་མཚོ (Thursday, 12 November 2009 02:54)

  ཙ་གེ་ཙི་གེ་ལེན་པའི་ཁ་འཁྱམས་ཚོ།
  ཚ་བའི་སྡུག་བསྔལ་སྒོམ་ན་ཨེ་བཀའ་གི།
  ཛ་ཡའི་བསྟན་པ་དོར་ན་ཨེ་སྐྲག་གི།
  ཝ་ཡེ་གྲྭ་ལོག་ཚོ་ལ་འདི་ཤོད།

• #78

  རྩམ་དགའ (Tuesday, 10 November 2009 17:41)

  པ་ཕའི་མདུན་ནས་མགོ་བོ་སྒུར་མྱོང་མེད་ཀྱང་། །
  ཕ་གའི་ཞི་མོ་མཛེས་མ་གན་དང་ཐུག་ན། །
  བ་གླང་འདྲ་བའི་ལས་ངན་མཇེ་འདིའི་དོན་ལ། །
  མ་ཁུག་ན་ཡང་ཞུ་བར་འཐེན་ན་འདོད་ཀི །

• #77

  ཟ་ལེ་རྒྱལ། (Tuesday, 10 November 2009 09:13)

  ཏ་ལེན་ནང་གི་འོ་མའི་་སྒོ་ང་གཉིས།
  ཐ་ན་ཨ་མ་ལའང་བསྟན་མ་མྱོངས།།
  ད་དུང་སུ་སང་གང་ལ་མ་བྱིན་མོད།།
  ན་ཆུང་མཛེས་མ་ཞིག་ལ་སྟེར་གི་ཡིན།།

• #76

  རྩམ་དགའ (Tuesday, 10 November 2009 05:49)

  ཅ་རེ་ཅོ་རེ་གླེང་ནས་མ་འདུག །
  ཆ་མ་བཞིན་དུ་ལངས་ན་དཀའ་གི །
  ཇ་རྒོད་འཐུང་འཕྲོ་བཞག་ཡང་མི་ཕན། །
  ཉ྄་མོའི་ཁ་ལ་རྒྱོ་ན་འདོད་ཀི །

• #75

  བཀྲ་ཤིས་འཚོ (Tuesday, 10 November 2009 05:09)

  ཀ་འདྲ་བའི་གེག་ལངས་རག་ཐོ་འདི་ལ།
  ཁ་འདྲ་བའི་ཁ་ནག་མ་ཞིག་མེད་ན།
  གན་ཉིན་ལངས་མཚན་ལངས་བྱས་ནོ་གཙོག་གི།
  ང་ཁོམ་དུས་གན་ན་སྐོར་ཞིག་རྒྱག་ཡ།

• #74

  རྩམ་དགའ (Monday, 09 November 2009 22:53)

  ཧ་ཅམ་སྦོམ་ཕྲ་རིང་ཐུང་རན་པའི། །
  ཨ་བུ་འཁྱམ་པོའི་མཇེ་རྒོད་འདི་ནི། །
  ཨ་རིའི་བུ་མོའི་སྒོར་གྱིས་མི་ལོན། །
  ཨ་མདོའི་བུ་མོར་སྤོབས་པ་ཡོད་ན། །
  ཧ་སེ་ལངས་ནས་རུམ་ལ་ཕེབས་ཤོག །

• #73

  ཟ་ལེ་རྒྱལ། (Monday, 09 November 2009 21:04)

  ཞྭ་མོ་ལྟག་ཁུང་ནང་ལ་དེད་ནས།།
  ཟ་འཐུང་འོ་མ་ཁམ་གང་དོན་དུ།།
  འ་ལི་འབི་ལིས་འཁྲིག་འཛིང་བྱེད་དུས།།
  ཡ་མཚན་ཀུ་ཅོ་གོ་རྒྱུ་མང་གི།
  
  ར་མ་ལུག་གི་ལད་མོ་བྱས་ནས་།།
  ལ་ལུང་ཁ་ཁུ་སིམ་པོ་ཞིག་ནས།།
  ཤ་ཡི་ཨ་ལོང་གོར་མོའི་ནང་ལ།།
  ས་རྒྱག་རྡོ་རྒྱག་བྱེད་ན་འདོད་ཀི།
  

• #72

  རྩམ་དགའ (Monday, 09 November 2009 19:07)

  ར་བོར་འདྲ་བའི་རྒྱོ་ལ་དགའ་བའི། །
  ལ་ལུང་ཉུལ་བའི་འཁྱམ་པོ་ང་ནི། །
  ཤ་མདོག་དཀར་བའི་བུ་མོ་ཁྱོད་དང་། །
  ས་གདན་ཅིག་ལ་ཉལ་ན་འདོད་ཀི །
  

• #71

  རྩམ་དགའ (Monday, 09 November 2009 18:09)

  ཞ་སྨྱུག་རྩེ་ནས་ལ་གཞས་འཐེན་ལས། །
  ཟ་མ་གང་ཞིམ་སྡེར་ཁ་བཤམས་ཏེ། །
  འ་འུར་མེད་པའི་ཁང་ཆུང་ཞིག་ཏུ། །
  ཡ་རབས་ཁྱོད་དང་ཐུག་ན་འདོད་ཀི །

• #70

  ཟླ་བ་གཡང་ཅན (Monday, 09 November 2009 11:29)

  རྒྱུན་རིང་བོ་ཞིག་ལ་ལ་གཞས་ལེན་མ་ཐུབ་པར་དགོང་དག་ཞུ། རྗེས་སུ་ཆུ་ཚོད་རེ་ཡོད་དུས་མུ་མཐུད་ནས་ཡོངས་འདོད་ཡོད།

• #69

  བཀྲ་ཤིས་འཚོ (Monday, 09 November 2009 06:43)

  པ་ལགས་ཨ་མ་ཡུལ་ན་མེད་དུས
  ཕ་གི་ཞི་ལི་སྤོབས་པ་ཡོད་ན།
  བ་གླང་མཛོ་མོ་སླས་ར་བཅུག་ནས
  མ་བཟང་ངེད་ཀྱི་འདབས་ལ་ཤོག་དང་།
  
  ཙ་གེ་ཙི་གེ་གཅིག་ར་མི་དགོས
  ཚ་བ་འཕར་བའི་ཤ་མིག་ནང་ལ།
  ཛ་ཏི་ཁུར་བའི་ཤེད་ཅན་ཕེབས་དང་།
  ཝ་མ་ཝོ་ལ་བདེ་བ་ལོས་ཐོབ།

• #68

  རྩམ་དགའ (Sunday, 08 November 2009 04:08)

  ཨ་རོགས་པ་སྡེ་བའི་དཔའ་རྒོད་ཁྭོད་ཀྱིས་འདིའི་སྣེ་ནས་ཕྲིས།

• #67

  རྩམ་དགའ (Saturday, 07 November 2009 02:33)

  རྟ་སདོ་བར་མ་གྱེས་གོང་གི །
  ཐ་ཚིག་སྣེ་འཛུམ་གྱིས་བསུས་ཏེ། །
  ད་བདེ་མོའི་འོ་ཞིག་བྱས་ནོ། །
  ན་རྒས་ཀྱང་བརྗེད་ཐབས་དཀའ་གི །

• #66

  ཟ་ལེ་རྒྱལ། (Friday, 06 November 2009 21:43)

  ཅ་ལ་དམར་བོའི་མགོ་རྒྱན་ཅན་གྱི།།
  ཆ་ལུགས་བཟང་བའི་བུ་མོ་ཁྱོད་ལ།།
  ཇ་ཁང་ཞིག་ནས་ཁ་བརྡ་བྱས་ཏེ།།
  ཉ་ཤ་ཟ་མིན་འདྲི་ན་འདོད་ཀི།

• #65

  རྩམ་དགའ (Friday, 06 November 2009 20:24)

  ཀ་དབྱངས་གསལ་སོ་བཞིའི་གྲོང་ན། །
  ཁ་ལ་གཞས་ལེན་ནོ་བཟང་གི །
  ག་ལ་དམིགས་ནི་མ་ཤེས། །
  ང་འཁྱམ་པོའི་མགོ་བོ་འཐོམས་ཀི །
  
  འབྲི་འདོད་ན་ཅ་ནས་ཕྲིས།

• #64

  ཟ་ལེ་རྒྱལ། (Friday, 06 November 2009 11:46)

  བཀྲ་ཤིས་ཀྱི་སྡེ་ཆེན་ད་ཡི།
  ཚེ་རིང་གི་ན་ཟླའི་ཆུང་ལོ།
  ཁྱོད་མ་སྡུག་མ་རྨོངས་སྡོད་ར།
  ཚིག་བཤད་ཀྱང་བཟས་ནི་མིན་ར།
  རོགས་རྩེས་ཀྱང་རེ་རེ་གླེང་གོ།

• #63

  བཀྲ་ཤིས་འཚོ (Friday, 06 November 2009 09:30)

  རོགས་དྲན་ནོའི་ལོ་རབས་མ་བཤད།
  རོགས་དྲན་གི་ལོ་རབས་བཤད་ན
  མགོ་སྔ་ས་ལ་བཞག་པའི་དུས་ནས
  གདན་གྲུ་བཞིའི་ཕྱེད་ཀ་སྟོང་བ་རེད
  ཤ་མཆིན་པའི་སྟེང་འོག་འཁྱག་པ་རེད
  རོགས་ཞེ་འདང་ཅན་པོ་མ་ཡོངས་ན
  རགས་དྲན་ནོ་རང་གི་ལན་ཆགས་རེད
  

• #62

  ཟ་ལེ་རྒྭལ། (Thursday, 05 November 2009 22:09)

  ནམ་ལང་རྒྱང་སྤང་ལ་བལྟས་ན།
  སྤང་རིག་རྒྱང་མདོ་བ་དྲན་གི།
  རྟ་གོམ་ལག་ཅན་པོའི་དོན་ན།།
  མྱིག་ནད་པའི་སོང་ནིའི་ལ་ཁ།།
  ཞར་འགྱོ་རྒྱོ་ཁྲིག་གོ་མེད་ཁུ།།
  
  ས་རུབ་རྒྱང་སྡེ་ལ་བལྟས་ན།།
  སྡེ་རིག་རྒྱང་རོགས་ལོ་དྲན་གི།
  རོགས་ཞེ་འདང་ཅན་པོའི་དོན་ན།།
  ཞེ་ནད་པའི་སོང་ནིའི་ལ་ཁ།།
  སྨྱོས་འཇོག་རྒྱོ་ཁྲིག་གོ་མེད་ཁུ།།
  

• #61

  རྩམ་དགའ (Thursday, 05 November 2009 21:16)

  ས་སྐྱིད་པོ་སྡེ་ཆེན་གྲོང་ན། །
  གྲོགས་ན་ཟླ་འཛོམས་ནོ་ཡག་གི །
  རོགས་ཞེ་མཐུན་མེད་རབས་གླེང་ནས། །
  བརླ་དམ་པོར་བཙིར་ནས་མ་འདུག །

• #60

  ཟ་ལེ་རྒྱལ། (Thursday, 05 November 2009 09:37)

  གྲོགས་པོ་གྲོགས་མོ་ཚོས་ངའི་ནང་ནས་ལ་གཞས་བླངས་ནས་རྩེད་མོ་རྩེས་ནོ་ཐུགས་རྗེ་ཆེ། དེང་སྐབས་ང་རང་ལས་བྲེལ་གྱི་དབང་གིས་དྲ་ཐོག་ལ་ཡོང་ཁོམ་མང་པོ་མི་འདུག ཁྱོད་ཚོ་ལྷོད་ལྷོད་བྱས་ནས་སྡོད།

• #59

  རྩམ་དགའ (Thursday, 05 November 2009 00:40)

  ཨ་རོགས་རིག་བཟང་མ་ཁྱོད་ཀྱི་ལ་གཞས་འདིས་ངའི་སེམས་འཕྲོག་མ་སོང་ན་ཡུམ་དུམ་པ།
  དྲང་མོར་བཤད་ན་སྙན་ངག་ཟེར་ན་འདི་ལས་ཡན་ཟིག་ཨེ་ཡོད་ལགས་འདོད་ཀི །

• #58

  བཀྲ་ཤིས་འཚོ (Wednesday, 04 November 2009 07:39)

  ངའི་ཞེ་མཐུན་རོགས་ལོ་མེད་ན།
  ཁ་ལ་གཞས་སྟོང་ལེན་མི་བྱེད།
  རོགས་ཟེར་ནས་བརྒྱ་རེ་གླེང་རུང་།
  རོགས་མ་དགོས་གྲིབ་མ་མེད་གི།
  ངས་མི་ལེན་ཟེར་དོན་དེ་ཡིན།
  
  ངའི་ཨ་རིག་ར་ཁྲ་མེད་ན།
  ཐང་སྐམ་པོར་སྐོར་བ་མི་བྱེད།
  རྟ་ཟེར་ནས་སྟོང་རེ་བཤད་རུང།
  རྟ་ཞིག་གི་རྟ་རྗེས་མེད་གི།
  སྐོར་མི་རྒྱག་ཟེར་དོན་དེ་ཡིན།

• #57

  རྩམ་དགའ (Monday, 02 November 2009 22:08)

  ཤིང་གཡུ་ལོ་ལྗོན་པའི་རྩེ་ན། །
  བྱ་ཁུ་ལོ་རིག་རྒྱུ་མེད་ནོ། །
  ཚང་དྲོན་པོར་ཆགས་ནི་མིན་ན། །
  གྲོགས་བྱ་ཚོགས་ཡིད་ནས་མ་བརྗེད །
  
  མ་བུ་མོ་རྩེ་རའི་གྲོང་ན། །
  ཁ་བདེ་མོ་ངོ་ཡག་ཅན་མ། །
  དུས་དེང་སང་རིག་རྒྱུ་དཀོན་ནོ། །
  སྡེ་ཆེན་པོ་སྒོ་རའི་བར་ནས། །
  ཕོ་ཟིག་ལ་ཐུག་ནི་མིན་ན། །
  གླུ་ལ་གཞས་ལེན་རྒྱུ་མ་བརྗེད། །
  
  
  

• #56

  རྩམ་དགའ (Tuesday, 27 October 2009 02:09)

  རྟ་མེད་ད་རྟ་ཞིག་ཉོ་རྒྱུ་ཡིན། །
  ཕྱི་སྤུ་ཁ་ཅན་ཟིག་ཟེར་གི་མེད། །
  དེར་རན་པའི་སྒ་ཆ་ང་མེད་ཀི །
  རྒྱུགས་གོམ་པ་ཡོད་ན་འགྲིག་གི་ཡོད།
  
  རོགས་མེད་ད་རོགས་ཟིག་བཙལ་གི་ཡིན། །
  ཡག་མོ་སྒོ་ཅན་ཟིག་ཟེར་གི་མེད། །
  དེར་འདྲ་བའི་ཕོ་སྒོ་ང་མེད་ཀི །
  ཞེ་སྣང་བ་མཐུན་ན་འགྲིག་གི་ཡོད། །

• #55

  བཀྲ་ཤིས་འཚོ (Monday, 26 October 2009 10:47)

  ཁྱོས་རོགས་ལ་འདང་ཞིག་ཡོད་ན།
  ཁྱོད་ཆུང་དུས་རྩེད་ཡ་དགོད་གྲོགས།
  ཁའི་དུང་སོ་སུམ་ཅུ་འཐོར་ནས་
  སྐྲའི་ལན་བུ་དཀར་ལོག་རུང་
  རོགས་ཟེར་ནས་ད་རུང་སྒུག་ཡོད།
  
  

• #54

  རྩམ་དགའ (Friday, 23 October 2009 17:58)

  ས་ཐག་རིང་ས་མཐའི་གྲོང་ན། །
  ས་རྩུབ་མོ་ས་རྡོ་མང་གི །
  ས་བདེ་མོ་ཐང་ཞིག་རྙེད་ན། །
  རྟ་མདོ་བའི་གོམ་ལག་བདེ་གིན། །

• #53

  ཟ་ལེ་རྒྱལ། (Friday, 23 October 2009 00:19)

  ཁ་ལ་གཞས་ས་གཞས་རྡོ་གཞས་རེད།།
  བླངས་བླངས་ན་མགོ་གཞས་འཁོར་བྱེད།།
  

• #52

  ཟླ་བ་གཡང་ཅན (Wednesday, 21 October 2009 10:08)

  ས་ཁྱོད་ཚོའི་དང་ང་ཚོའི་ས།། ས་ཁྱོད་ཚོའི་ལ་མི་ཤེས་མོལ།། ས་ང་ཚོའི་ས་ར་འདྲ་ན།། རྟ་མེད་ན་ཅག་ལ་མི་འགྲོ། དྲེལ་མེད་ན་འགེལ་རྟ་མི་འཁྲིད།།
  སྡེ་ཁྱོད་ཚོའི་སྡེ་དང་ང་ཚོའི་སྡེ།། སྡེ་ཁྱོད་ཚོའི་ལ་མི་ཤེས་མོལ།། སྡེ་ང་ཚོའི་སྡེ་ར་འདྲ་ན།། རོགས་མེད་ན་གྲོང་ལ་མི་ཉུལ།། ལན་མིན་ན་ལ་ལ་མི་ལེན།།

• #51

  རྩམ་དགའ (Tuesday, 20 October 2009 02:46)

  ང་རྟ་མཆོག་ཁ་ལས་ཅན་ལ། །
  ལག་འཆང་བའི་བསོད་རྣམས་མེད་ན། །
  ཁ་འདར་འདར་འཁྲིས་ལ་མ་ཡོང་། །
  རྐང་གཡིག་ཐེངས་གཅིག་གིས་རྨས་ལ་ཡོང་། །
  
  སྨད་ན་ཆུང་རྩེ་ར྄འི་གྲོང་ནས། །
  ཁྱོས་ངེས་ངེས་རྩེ་ར་འདོད་ན། །
  རྟ་ཐག་སྣེ་སྐོར་འཕེན་མ་བྱས་གོང་། །
  སྟོད་གཡུ་ལོའི་རྟ་ར྄འི་ནང་གི །
  རྟ་དཀའ་ཀར་དབུ་འཕང་བསྟོད་ན། །
  ་ལས་ལམ་འགྲོ་ཡོད་ནོ་ཟེར་ར། །
  
  
  

• #50

  ཟླ་བ་གཡང་ཅན (Monday, 19 October 2009 10:20)

  སྟོད་གཡུ་ལོའི་རྟ་རའི་ནང་ལ།། ངས་རྟ་ཐག་སྐོར་འཕེན་བྱེད་རྒྱུ།། རྟ་བསམ་པ་ཅན་ཞིན་ཡིན་ན།། ངའི་རྟ་ཐག་རང་ཡ་མ་གཏོང་།།
  ས་སྡེ་ཆེན་རྩེ་བའི་གྲོང་ལ།། ངས་ལ་ལ་སྐོར་ལེན་བྱེད་རྒྱུ།། རོགས་བསམ་པ་ཅན་ཞིག་ཡིན་ན།། ངའི་ལ་ལ་རང་ཡ་གཏོང་།།

• #49

  རྩམ་དགའ (Sunday, 18 October 2009 18:45)

  ཐང་ཡངས་པོ་རྩ྄་ཐང་སྟེང་ལ། །
  འབའ་གཡང་དཀའ་རིག་རྒྱུ་མེད་ནོ། །
  གླག་རྒོད་པོར་དོགས་ནི་མིན་ན། །
  ས་འདི་ལ་སུན་ནི་ཁྱད་ཡིན། །
  
  སྡེ་ཆེན་པོ་གྲོང་གི་དཀྱིས་ན། །
  རོགས་ཁྱེད་ཚོ་རིག་རྒྱུ་མེད་ནོ། །
  ཁ་ལ་གཞས་ཚར་ནི་མིན་ན། །
  ང་རྒད་པོར་སུན་ནི་ཁྱད་ཡིན། །

• #48

  རྩམ་དགའ (Friday, 16 October 2009 08:18)

  ད་ཡིན་ན་ཡིག་གཟུགས་ཅུང་ཆེ་རུ་སོང་འདུག་ཐུགས་རྗེ་ཆེ།

• #47

  ཟ་ལེ་རྒྱུལ། (Thursday, 15 October 2009 22:47)

  དྲ་གྲོགས་རྩམ་དགའ་ལགས་ནས་ངའི་ཡིག་གཟུགས་ཆུང་འདུག་ཅེས་དྲན་སྐུལ་བྱས་བར་ཐུགས་རྗེ་ཆེ། ཇེ་ཆེར་བཏང་ཡོད། འདི་ལས་ཆེ་རུ་གཏོང་མི་ཐུབ་ཀི། དགོངས་དག དུ་དུང་སྐྱོན་རིག་ན་བཤད་རྐྱང་བཤད་རོགས།

• #46

  རྩམ་དགའ (Thursday, 15 October 2009 22:15)

  རྟ་གྱི་ལོང་གོམ་པ་ཅན་པོ། །
  འདི་ཞོན་པའི་ལས་ཤིག་མེད་ཀི །
  རོགས་ཆུང་ལོ་བརྩེ་མདང་ཅན་མའི། །
  གདོང་མཐོང་བའི་བསོད་རྣམས་ཆུང་གི །

• #45

  བྱམས་མདོ་གླུ་དགའ (Thursday, 15 October 2009 14:20)

  ཨ་རོ་ཟླ་བ་གཡང་ཅན་ད་ཟ་ལེ་རྒྱལ་གྱིས་ཁྱོད་བརྗེད་ཚར་འདུག་ཕྱིར་ལ་ཤོག་དང་ངས་ཁྱོད་ལ་ལ་གཞས་ལེན་རོགས་བྱེད་ཡ།

• #44

  རྩམ་དགའ (Wednesday, 14 October 2009 21:15)

  ཨ་རོགས་ཟ་ལེ ལགས་ཉིད་ཀྱི་ལ་གཞས་ནང་གི་ཡིག་གཟུགས་ཆུང་དྲག་ནས་ཀློག་དཀའ་མོ་ཟིག་རེད་ཀོ
  

• #43

  རྩམ་དགའ (Monday, 12 October 2009 22:29)

  སྤང་གཡུ་རི་འདྲ་བའི་རྩ྄་ཐང་ལ། །
  ཆུང་བྱིས་དུས་མེ་ཏོག་སཐུ་རོགས་མ། །
  ན་སོན་དུས་སེམས་གཏམ་གླེང་རོགས་མ། །
  ཁྱོད་སྐུ་ལུས་བདེ་མོ་ཡོན་ན། །
  རོགས་ས་མཐའི་སྐྱོ་བ་སངས་ཀི །

• #42

  ཟླ་བ་གཡང་ཅན (Sunday, 11 October 2009 11:48)

  རྟ་དྲན་གི་ལོ་རབས་མ་བཤད།། རྟ་དྲན་གི་ལོ་རབས་བཤད་ན།། རྟ་རིགས་འདྲ་རིག་ན་དྲན་གི། སྒ་རིགས་འདྲ་རིག་ན་རྨོང་གི།
  རོགས་དྲན་གི་ལོ་རབས་མ་བཤད།། རོགས་དྲན་གི་ལོ་རབས་བཤད་ན།། རོགས་རིགས་འདྲ་རིག་ན་དྲན་གི། ཚིག་རིགས་འདྲ་བཤད་རྨོང་གི།

• #41

  ཟ་ལེ་རྒྱལ། (Saturday, 10 October 2009 19:49)

  རྟ་འགྲོ་དུས་འགྲོ་རྩྭ་མི་ཟ།།
  ཤ་འབུད་ཀི་ཕན་ཐོག་མ་དགོ།
  རྒྱུག་གོམ་པ་ལྩག་ཏུ་གནོད་ཀི
  
  རོགས་འགྲོ་དུས་སྡུག་གཏམ་མི་བཤད།།
  རོགས་འགྲོ་ཡི་ཕན་ཐོག་མ་དགོ།
  ཞེ་སྣང་བ་ལྷག་ཏུ་སྡུག་གི།

• #40

  རྩམ་དགའ (Saturday, 10 October 2009 19:16)

  རོགས་ཆུང་ལོར་གྱེས་པའི་ཉིན་མོ་ནས། །
  ཞེ་སེམས་པ་སྟོང་སེ་བུད་ནས་ཐལ། །
  ཟས་ཞིམ་པོར་བྲོ་བ་མི་ཚོར་གི། །
  གླུ་ལ་གཞས་ཁ་ལ་མི་ཡོང་གི
  
  །

• #39

  ཟླ་བ་གཡང་ཅན (Saturday, 10 October 2009 08:06)

  རོགས་མི་རིག་གི་ར་མེད་ནས་ན།། བྱ་མི་འཁོར་གི་ར་ཡོད་ནས་ན།།

• #38

  ཟླ་བ་གཡང་ཅན (Thursday, 08 October 2009 13:45)

  ཐང་ཆེན་པོའི་ཁ་རུ་བརྒྱངས་ནས།། རྟ་ཡོང་གོ་འདོད་ནས་བསྒུགས་ཀྱང་།། རྟ་གྲོ་རྒྱལ་གཡུ་ལོ་གན་ན།། རྗེ་རྒྱ་མོ་རྒྱུག་རོགས་མང་གི། ཐང་ཁ་རི་བརྒྱངས་ནོ་སྟོང་བ་རེད།། རྟ་ཡོང་ང་བསམ་ནོ་སྟོང་སེམས་རེད།།
  སྦྲ་ཐང་སྨུག་ཁ་རུ་བརྒྱངས་ནས།། རོགས་ཐོན་གོ་འདོད་ནས་བསྒུགས་ཀྱང་།། ངའི་ཞེ་མཐུན་རོགས་ལོ་གན་ན།། རོགས་ཐུགས་ས་འབྲེལ་ས་མང་གི། སྦྲ་ཁ་རུ་བརྒྱངས་ནོ་སྟོང་བ་རེད།། རོགས་ཐོན་ན་བསམ་ནོ་སྟོང་བསམ་རེད།།

• #37

  ཟླ་བ་གཡང་ཅན (Thursday, 08 October 2009 13:31)

  བྱ་ཁུ་ལོ་གསུང་སྐད་སྙན་མོ་ཅན།། ཁྱོས་ནགས་རི་བརྒྱུད་གི་ཕྱི་ཉིན་ནས།། ནགས་རྒྱ་རྫོང་གཡུ་མཚོ་ཕྱུག་མོ་འདི།།
  མདང་གཡུ་ཐིག་འདྲ་བོ་ཡལ་ནས་ཐལ།། སིལ་ཕྱིར་དམར་འདྲ་བོ་འཐོར་ནས་ཐལ།། ང་འཇོལ་མོ་ཁེར་འགྲོ་ཁེར་འདུག་རེད།།
  བྱ་དྲན་རུང་ཁུ་ལོས་མི་ཚོར་གི། སེམས་སྡུག་རུང་འཇོལ་མོ་བདག་མེད་རེད།།
  རོགས་ས་ལེ་ཞེ་འདང་ལྷོད་ཤ་ཅན།། ཁྱོས་སྡེ་རི་བརྒྱུད་གི་ཕྱི་ཉིན་ནས།། སྡེ་བྱ་གཞུང་གཡང་གི་ར་བ་ནས།། སྐྱིད་ཉི་མ་འདྲ་བོ་ཚར་ནས་ཐལ།། འདང་འོ་མ་འདྲ་བོ་རྐམ་ནས་ཐལ།། ང་ཟླ་བ་ཁེར་འགྲོ་ཁེར་འདུག་རེད།། རོགས་དྲན་རུང་ས་ལེ་སེམས་མེད་རེད།། སེམས་སྡུག་རུང་ཟླ་བ་བདག་མེད་རེད།།

• #36

  ཟླ་བ་གཡང་ཅན (Thursday, 08 October 2009 13:07)

  ཨ་ས་ལེ་ཡིན་ན་ཤི་ཐལ་ནོ། དེ་སྙན་ངག་ཟོ་མ་རེད། ལ་གཞས་རེད། ང་སྐྱེས་ནས་ད་བར་དུ་ལ་གཞས་ལེན་ཁལ་བྱས་ནི་རེད། མིན་ད་དེ་ཁྱོད་ཀྱིས་མི་ཤེས་འདོད་ཀྱི་མེད་གི་ར།
  ལས་ལེགས་པོ། ཁྱོད་ས་མཐའ་བྱིན་པ་ནས་ངའི་སེམས་ལྷོད་ལ་འབབ་མྱོང་མེད་ནོ་གཡག་རྒན་འབྲི་རྒན་ཆ་བོ་ར་སྦྲ་རྒན་ནག་ལྡིང་མ་གཏོག་སུ་གང་གི་ཤེས་ནི་མ་རེད། ཡ་ད་སྡུག་གཏམ་མི་བཤད། དེ་ལས་ལ་གཞས་ལེན།
  

• #35

  ཟ་ལེ་རྒྱལ། (Tuesday, 06 October 2009 23:07)

  ཟླ་བ་དབྱངས་ཅན་ལགས།
  ཀྱོད་ཀྱིས་ལ་གཞས་དེས་ངའི་སེམས་འཕྲོག་མ་བཏབ་ཐ་ན་གསེར་ཡུམ།
  འདི་མོའི་སྙན་ངག་རིག་ནི་མེད། བཏོན་གིན་བཏོན་གིན་འདོན་ན་འདོད།

• #34

  རྩམ་དགའ (Tuesday, 06 October 2009 07:34)

  དུས་དེང་སང་རྒན་གཞོན་གཉིས་ཀས། །
  རོགས་མེད་ལ་ཡོད་འདོད་བྱེད་ཀི །
  ཁ་ཐག་རིང་རྩམ་དགའི་ཁ་ནས། །
  སྙན་ལྷང་ལྷང་དགོད་ཁ་ཤོར་ཐལ།

• #33

  ཟླ་བ་གཡང་ཅན (Tuesday, 06 October 2009 01:48)

  ཐང་ཁ་ཞིང་ཅན་པོ་རིག་ན།། རྐྱང་གཡུ་རྔོག་ཅན་པོ་དྲན་གི། ས་མི་གཅིག་ས་མཐའ་ཞིག་ན།། རྔོག་རྡེམ་མེ་གཤར་གོ་འདོད་ན།། སེམས་སྐྱ་མོ་སྐྱོ་བ་སྨིག་རེད།། སྨིག་འཐིབ་ས་ཡ་ཆུང་སེམས་རེད།།
  སྡེ་ཁྲ་ཁྲའི་ཁ་རི་རིག་ན།། རོགས་ཁ་ཚིག་ཅན་པོ་དྲན་གི།། སྡེ་མི་གཅིག་རྩེ་བའི་གྲོང་ན།། གཉོམ་དུང་ངེ་རྩེ་གོ་འདོད་ན།། སེམས་སྐྱ་མོ་སྐྱོ་བ་ཆུ་རེད།། ཆུ་བཞུར་ས་ཁྲ་ཆུང་མིག་རེད།།

• #32

  ཟླ་བ་གཡང་ཅན (Tuesday, 06 October 2009 01:35)

  ཁ་ལ་ལ་ཞིག་ལ་སྐྱོ་ནི་གི། ས་འདི་ར་ཞིག་ལ་ཡོང་ནི་ཡིན།།

• #31

  རྩམ་དགའ (Wednesday, 30 September 2009 22:20)

  ཁྱོད་བྱ་གཞུང་ཞི་མོའི་ཁ་ནས། །
  གླུ་སྙན་མོ་ཁུ་ལོ་གྲགས་ཀི །
  ཁ་ཐག་རིང་འཁྱམ་པོའི་སེམས་ལ། །
  དྭངས་གསལ་ལེ་རི་མོ་བྲིས་ཐལ། །

• #30

  རྩམ་དགའ (Tuesday, 29 September 2009 03:43)

  ཤིང་ཙན་དན་ཡལ་གའི་རྩེ་ནས། །
  བྱ་ཁུ་ལོས་སྐད་སྙན་སྒྲོག་གི །
  བྱ་བྱེའུས་སྙན་རབས་གླེང་གི །
  ང་ཞི་ལི་སུན་སྣང་སྐྱེ་གི །

• #29

  རྩམ་དགའ (Tuesday, 29 September 2009 02:20)

  ཀ་བུ་རམ་འདྲ་བའི་སེམས་གཏམ་མང་བའི། །
  ཁ་ཁོག་པ་གཙང་བའི་རོགས་ལོ་ཁྱོད་དྲན་གི །
  ག་བཞད་སྒྲས་ཕྱུག་པའི་གླུ་རོགས་མང་ཡང་། །
  ང་ཞི་ལིའི་སེམས་པ་སྐྱིད་རྒྱུ་མེད་ཀི །

• #28

  བཀྲ་ཤིས་འཚོ (Friday, 25 September 2009 10:39)

  རོགས་ཆུང་ལོ་ཞེ་འདང་ཅན་པོ།
  ས་འཇིག་རྟེན་གནམ་གི་འོག་ནས།
  ཁྱོད་བདེ་མོ་སྐྱིད་པོ་ཡིན་ན།
  ང་བྱ་གཞུང་ཞི་མོའི་སེམས་ལ།
  དེ་མིན་ནས་སྐྱིད་ཅིག་མི་དགོས།
  

• #27

  རྩམ་དགའ (Wednesday, 23 September 2009 19:51)

  རྟ་དཀར་རིས་གོམ་པ་ཅན་ལ། །
  གསེར་སྒ་སྲབ་མི་དགོས་རང་གྲུབ་རེད། །
  མ་བུ་མོ་གཤིས་བཟང་ཅན་ལ། །
  བརྒྱན་མི་དགོས་ཕྱི་ཡག་ནང་ཡག་རེད། །

• #26

  རྩམ་དགའ (Wednesday, 23 September 2009 18:24)

  ཤིང་དྲི་ཞིམ་ཤུག་པའི རྩེ་ལ། །
  བྱ་ཁུ་བྱུག་འཇོལ་མོ་གཉིས་ཀ །
  ཁ་ཞེ་རྩ་གཅིག་ལ་འཁོར་སོང་ན། །
  སྐད་སྙན་མོའི་གླུ་ལ་ཆ་འགྲིག་རེད། །
  

• #25

  ཟ་ལེ་རྒྱལ། (Wednesday, 23 September 2009 14:24)

  རྒོད་ཐང་དཀར་ཐང་ནག་གཉིས་ཀས།།
  དགོང་ནམ་འཕང་བསྟོད་རྒྱོ་བྱས་ཡོད།།
  རླུང་སེར་བུའི་རྒྱུ་ཕྱོགས་ཤིག་གིས།།
  དགོང་སྟོད་སྨད་གཉིས་ཀི་ལོག་ཐལ།།
  ཁྱོད་ས་ཡི་དགོང་སྔོན་གནམ་ནས།།
  ང་མ་བརྗེད་ཡིད་ལ་ཟུངས་ར།།
  ང་ས་ཡི་དོག་མོ་ས་ནས།།
  ཁྱོད་བཟས་ཡས་བརྒྱ་རེ་གླེང་གོ།

• #24

  བཀྲ་ཤིས་འཚོ (Wednesday, 23 September 2009 07:18)

  རོགས་ཆུང་ལོ་སྙིང་ལ་རྗེ་བོ།
  ཁྱོད་སྡེ་མཐའ་ཉུག་གི་ཉིན་ནས།
  མ་ངེད་ཚོ་ཁེར་ཉལ་ཁེར་ལངས།
  རོགས་བསམ་ནས་ད་རུང་སྒུག་ཡོད།
  ངའི་ཕྱོགས་ལ་སྐོར་གསུམ་རྒྱོབ་དང་།
  སེམས་སྐྱ་མོ་དེང་མའི་དེ་ཡིན།
  
  བྱ་ཁུ་ལོ་སྙིང་ལ་རྗེ་བོ།
  ཁྱོད་ལྷོ་ལ་འཕུར་གི་ཉིན་ནས།
  བྱིའུ་འཇོལ་མོ་ཁེར་མོ་ལུས་ཡོད།
  ཁྱོད་ངེས་ངེས་སེམས་ཤིག་ཡོད།
  ངའི་ཕྱོགས་ལ་སྐོར་ཞིག་རྒྱོབ་དང་།
  བྱིའུ་འཇོལ་མོ་དེང་མའི་དེ་ཡིན།

• #23

  ཟ་ལེ་རྒྱལ། (Tuesday, 22 September 2009 22:47)

  སྡེ་ཁ་ཞིང་ཅན་གི་དཀྱིས་ཀི།
  རོགས་ཁ་ཚིག་ཅན་པོ་ཤོད་ལ།།
  ལོ་ནམ་ཚས་མགོ་ལག་བཀུག་རུང་།
  སེམས་བསམ་དེང་མའི་དེ་ཡིན།
  

• #22

  རྩམ་དགའ (Tuesday, 22 September 2009 04:04)

  རོགས་ཆུང་འདྲེས་སྙིང་ལ་སྗེ་བོ།
  ཁྱོད་མ་ཐུག་ལོ་མང་བུད་ཐལ།
  ཁྱེད་དྲན་རབས་གླེང་དགོས་མི་འདུག
  སྐྲ་ནག་པོར་སེར་ཐིག་ལྷུང་ཐལ།

• #21

  ཟ་ལེ་རྒྱལ། (Monday, 21 September 2009 13:50)

  ཤིག་མེད་ར་ཅིག་གིས་ཟ་གི།
  ཁ་འདག་རྒྱོ་གང་ནས་ཡོང་ནིས།
  
  རོགས་མེད་ར་ཅིག་གིས་འབོད་ཀི།
  ཚེ་རིང་རྒྱོ་གང་ནས་ཡོང་ནིས།

• #20

  ལྷ་མཚོ (Monday, 21 September 2009 13:40)

  ཁ་ལ་གཞས་ལེན་ན་ལ་གཞས་ལེན།
  ཁ་གཞས་དགུང་སྔོན་གནམ་ལ་ལེན།
  འབྲུག་ལྗང་ལོ་འདྲ་གི་ལ་གཞས་ལེན།
  ཆར་ཟིལ་མ་འདྲ་གི་ལན་པ་རྫོག།
  
  ཁ་ལ་གཞས་ལེན་ན་ལ་གཞས་ལེན།
  ཁ་ལ་གཞས་སྡེ་གྲོང་ལ་ལེན།
  སྡེ་ཆེན་པོ་འདྲ་གི་ལ་ལ་ལེན།
  རོགས་ཆུང་འདྲ་གི་ལན་པ་རྫོག།

• #19

  བཀྲ་ཤིས་འཚོ (Monday, 21 September 2009 13:03)

  རོགས་ཆུང་སྙིང་ལ་རྗེ་བོ།
  ཁྱོའི་ཡ་ཆུང་གངས་སེམས་ན།
  ང་མེད་ནོ་ངས་ར་ཤེས་ཡོད།
  ངའི་ཆུང་དུས་རོགས་ལོ་བསམ་ན།
  བློས་མི་ཐོང་སྐྱེད་པོ་དེ་རེད།
  
  ནགས་རྒྱ་རྫོང་ཁུ་ལོ་སྙིང་རྗེ།
  ཁྱོད་རྫ་མཐའ་ནགས་མཐའ་ཉུལ་དུས།
  ཁྱོའི་ཡ་ཆུང་གངས་དཀར་རྒྱུད་ལ།
  བྱིའུ་འཇོལ་མོ་མེད་ནོ་ཤེས་ཡོད།
  ངའི་གནའ་འགྲོག་ཁུ་ལོ་བསམ་ན།
  བརྗེད་མི་ཐུབ་སྐྱེད་པོ་དེ་རེད།
  

• #18

  ཟ་ལེ་རྒྱལ། (Monday, 21 September 2009 11:19)

  ཤིང་བྲ་མའི་སྣ་གཅུ་འགུག་དུས།
  ངའི་ཡིད་ན་ཁྱུང་དཀར་མཛོ་ཡོད།
  ཞིང་ཆུ་མ་ས་ལོག་རྒྱག་དུས།
  ཁྱོའི་ཡིད་ན་སུ་ཡོད་སུས་ཤེས།
  
  ནང་སྔ་མོའི་ཉི་རྩེ་ཤར་དུས།
  ངའི་ཡིད་ན་རོགས་ལོ་ཁྱོད་ཡོད།
  དགོང་མུན་ནག་ས་རྩ་རུབ་དུས།
  ཁྱོའི་ཡིད་ན་སུ་ཡོད་སུས་ཤེས།

• #17

  བཀྲ་ཤིས་འཚོ (Monday, 21 September 2009 09:58)

  ས་ཁ་ཐག་རིང་གི་རོགས་ལོ།
  དགུང་མུན་ནག་སྐར་ཆེན་ཤར་དུས།
  ཁྱོད་དྲན་གི་རྒྱུ་མཚན་མི་བཤད།
  ཁྱོད་དྲན་གི་ལོ་རྒྱུས་བཤད་ན།
  སེམས་སྐྱ་མོར་དྲན་ཤིང་ལྕི་གི།
  
  ས་ཁ་ཐག་རིང་གི་རོགས་ལོ།
  ས་བ་ཡན་ཐང་ལ་ཐོན་དུས།
  རྟ་དྲན་པའི་ལོ་རབས་མི་བཤད།
  རྟ་དྲན་པའི་ལོ་རབས་བཤད་ན།
  སེམས་སྐྱ་མོ་སྨེང་གི་གཞི་རེད།

• #16

  tashitso (Monday, 21 September 2009 09:42)

  རོགས་ཆུང་ལོ་སྙིང་ལ་རྗེ་བོ །
  ཞེ་བསམ་པའི་རྩེད་འདོད་ཡོད་རུང་།
  སྡེ་ཆེན་པོའི་མི་ཁ་རྒོད་གི།
  རོགས་ཐུག་རྒྱུའི་སྐལ་བ་མེད་གི།
  རོགས་ཆུང་ལོའི་སྐུ་ཁམས་བདེ་མོ།
  
  རྟ་འདོ་བ་སྙིང་ལ་རྗེ་བོ།
  ཞེ་བསམ་པའི་རྒྱུགས་འདང་ཡོད་རུང་།
  ས་འདི་ལ་གྱོག་རོང་རྩུབ་གི །
  རྟ་རྒྱུགས་གིས་སྐལ་བ་ཞན་གི།
  རྟ་འདོ་བའི་སྐུ་ལུས་བདེ་མོ།
  

• #15

  tashitso (Monday, 21 September 2009 09:37)

  རྟ་འདོ་བ་སྙིང་ལ་རྗེ་བོ་།
  ས་ལ་ཐུར་མེད་ལ་རྒྱུགས་ན།
  སྒ་བེ་སེང་སྒ་ཆ་ངས་སྒྲིགས།
  ས་བྱང་ལམ་རིང་མོ་གཅོད་དུས།
  ངའི་སྙིང་གི་བློ་རྟ་ཁྱོད་བྱས།
  
  རོགས་ཆུང་ལོ་སྙིང་ལ་རྗེ་བོ།
  ཞེ་བསམ་པའི་རྩེད་རྒྱུ་ཡིན་ན།
  ཁ་ལ་གཞས་མགོ་རྔ་ངས་སྒྲིགས།
  ནང་ན་ཟླ་ཁྲོམ་ལ་ཚོགས་དུས།
  ངའི་ཞེ་མཐུན་རོགས་ལོ་ཁྱོད་བྱས།
  

• #14

  རྩམ་དགའ (Sunday, 20 September 2009 19:50)

  ལ་གཞས་ལེན་ན་ལ་གཞས་ལེན།
  ལ་མཐོན་པོའི་རྩེ་ནས་ལ་གཞས་ལེན།
  ལ་ལྷ་མོ་འགུག་ར་བསམ་ནི་མིན།
  ལ་ཁྲོམ་པའི་དཀྱིལ་ལ་ལེན་ནི་ཡིན།

• #13

  ཟ་ལེ་རྒྱལ། (Friday, 18 September 2009 22:24)

  རི་མཐོ་སས་དམའ་སར་བལྟས་ན།
  དབུས་སེར་རོའི་ས་ཕྱོགས་རིག་གི
  ཇོ་བོ་སེར་རོ་ཡིད་ལ་ཡོང་ན།
  ལྷ་མཇལ་གི་བྲེལ་ང་ལང་གི
  
  སྡེ་ཆེ་སས་ཆུང་སར་བལྟས་ན།
  རོགས་དགའ་ལོའི་ས་ཕྱོགས་རིག་གི
  ཚིག་སྙན་མོ་ཡིད་ལ་ཡོང་ན།
  རོགས་འགྲོག་གི་བྲེལ་བ་ལང་གི
  

• #12

  ཨ་མདོ་མཚོ། (Thursday, 17 September 2009 23:16)

  རོགས་དྲན་གི་ལོ་རབས་ཁྱོས་མ་བཤད
  རོགས་དྲན་གི་ལོ་རབས་ངས་བཤད་ན།
  ལུག་གཡང་དཀར་རིག་ན་བལ་དྲན་ཀི
  བལ་འཇིིལ་ལི་རིག་ན་གདན་དྲན་ཀི
  གདན་གྲུ་བཞི་རིག་ན་ཁྱོད་དྲན་ཀི
  

• #11

  ཟ་ལེ་རྒྱལ། (Wednesday, 16 September 2009 09:51)

  ས་འདི་ན་སེང་ལྡེང་མང་གི་གོ་དགའ་ལོ།
  སེང་རང་གྲགས་མདའ་རུ་དཀོན་གི་གོ་དགའ་ལོ།
  
  ས་འདི་ན་རོགས་ལོ་མང་གི་གོ་དགའ་ལོ།
  རོགས་རང་མཐུན་རང་ང་དཀོན་གི་གོ་དགའ་ལོ།

• #10

  སྨྱུག་རྒོད། (Tuesday, 15 September 2009 18:45)

  ཨ་ལ་རོགས་ལོ།
  སེང་ལྡེང་འདར་བུ་སྐད་ཡོད་གོ་དགའ་ལོ།།
  དངུལ་གྱི་དྲིལ་བུ་ཆུང་ཡོད་གོ་དགའ་ལོ།།
  ཁྱེད་འུ་གཉིས་ཐུགས་འཕྲད་མེད་ལ་དགོ་དགའ་ལོ།།
  སྟོད་དབུས་གཅ༹ང་ཡུལ་ནས་ཐུགས་དང་ཐ་དགའ་ལོ།།
  རྗེ་བླ་མ་ལག་ནས་མཐུན་ཐ་ཡ་དགའ་ལོ།།
  མཐུན་པའི་སྨོན་ལམ་ཡོད་ནི་རེད་ཆུང་ལོ།།

• #9

  དུང་མཚོ་སྐྱིད། (Monday, 14 September 2009 23:53)

  རོགས་བོ་མས་འགྲོག་རྒྱུ་ཨ་ཡིན།
  རོགས་ངོ་མས་འགྲོག་རྒྱུ་མིན་ན།
  ཚིག་བཤད་ནས་ཉི་མ་མ་གཏོང་།
  མནའ་སྐྱལ་ནས་ཉེས་བ་མ་བསག།

• #8

  བདུད་མུ་ཟི། (Monday, 14 September 2009 23:10)

  ཁ་ལ་གཞས་ལེན་ན་ལ་གཞས་ལེན།།
  ཁ་གཉའ་མའི་བར་ནས་ལྷག་པར་ལེན།།
  རོགས་ཆུང་ལོ་རིག་ན་ཤུགས་ཀྱིས་ལེན།།
  གཡབ་ཚར་ནས་རྗེས་ནས་ལྷོད་ཀྱིས་ལེན།

• #7

  ཟ་ལེ་རྒྱལ། (Saturday, 12 September 2009 22:01)

  ཁྱོད་དེ་མོའི་ཆོས་བ་ཡིན་ན།
  འུ་གཉིས་ཀ་ཕྱི་མར་འགྱོ་ར།
  ལྷ་གཤིན་རྗེ་ཆོས་རྒྱལ་ལོས་སྒུར།

• #6

  བཀྲ་ཤིས་རྒྱལ། (Saturday, 12 September 2009 21:37)

  ང་བོའུ་རྒྱ་ཡིན་ཚད་བཤད་ན།།
  ས་སྤང་དཀར་དགོ་ཤུལ་བཅད་དང་ང་། །
  ཁྱོས་ཨེ་བདེན་མི་བདེན་བསམ་ན། །
  ཁྱོད་ཕྱིན་ཆད་སྤང་ལ་སོང་དང་། །
  འཕོང་དཀར་དཀར་ཅན་ཞིག་བསྐྱུར་མེད།

• #5

  ཟ་ལེ་རྒྱལ། (Saturday, 12 September 2009 13:51)

  ནམ་མ་ལང་ཉི་རྩེ་རྒྱག་སོ།
  སྟོད་བྲག་དཀར་དབུ་རྩེ་མགོ་རེད།
  ས་མ་རུབ་མུན་པ་འཐུབ་སོ།
  སྨད་རྒྱ་ནག་བཙོན་ཁང་ནང་རེད།

• #4

  ཟ་ལེ་རྒྱལ། (Saturday, 12 September 2009 13:49)

  ཁ་ལ་གཞས་ཧར་ར་ལེན་དུས།།
  དགོང་ཨ་རྩེར་ཉི་རྩེ་རྒྱག་རྒྱག་བྱོས།།
  ཕྱིར་འཁོར་ནས་ལན་ལ་སློག་དུས།།
  དགོང་ཕྱི་དྲོར་གྲིབ་ཆེན་གོན་གོན་བྱོས།

• #3

  བོད། ཤ་ཁྲག་རུས་གསུམ། (Friday, 11 September 2009 23:53)

  ཁ་ལ་གཞས་ལེན་ན་ལ་གཞས་ལེན།
  ཁ་ལ་གཞས་ཁྲོམ་ཆེན་དཀྱིལ་ལ་ལེན།
  ཁ་མཐུན་པའི་ཞི་མོ་རྙེད་དང་ན།
  ཁ་དགོད་ལ་ཚིག་གསུམ་ངས་བཤད་ཡ།

• #2

  ཨ་མདོ་མཚོ། (Friday, 11 September 2009 14:29)

  ས་ཀ་མདོའི་སྡོང་ར་ནང་ན༎
  དམར་ཆལ་ལེ་སིལ་ཏོག་སྐྱེས་ཡོད༎
  རྡོ་འཕེན་ཀི་ཧོད་པ་ཡོད་ན༎
  སིལ་ཟ་ཀི་བསོད་ནམས་ལེ་ཡོད༎
  ས་སྡེ་ཆེན་རྩེད་ར་ནང་ན༎
  ཁྲ་ཤོལ་ལེ་ན་ཟླ་འཚོགས་ཡོད༎
  ཚིག་བཤད་ཀི་ཧོད་པ་ཡོད་ན༎
  རོགས་འགྲོག་གི་བསྐལ་བ་ལེ་ཡོད༎
  

• #1

  ཟ་ལེ་རྒྱལ། (Friday, 11 September 2009 13:05)

  རྟ་མེད་ར་རྟ་ཞིག་དགོས་ཀི།
  རྒྱུ་མེད་ལ་ཁུག་རྒྱུ་ཆེ་ཡིན།
  
  རོག་མེད་ར་རོག་ཅིག་དགོས་ཀི།
  ཡག་མེད་ལ་བརྙེད་རྒྱུ་ཆེ་ཡིན