ཟ་ལི་རྒྱལ་གྱི་ལོ་རྒྱུས་བྱ་འཕུར་མ།

ང་རོ།

བྱང་ཕྱོགས་བྱ་ཁོག་ཅིག་ནས་སྐྱེས་ནི་མ།།

བ་ལ་ལ་བཏགས་ན་རོའི་མིང་ཅན་མ།།

རང་ལོ་རང་གིས་མ་གཏོགས་མི་ཤེས་མ།།

གདོང་དམར་བོད་པའི་མི་རྒྱུད་ཡིན་ནི་མ།།

ད་ལྟ་ཧྥ་རན་སི་ན་ཡོད་ནི་མ།།

ཡུལ་ལ་ཐེངས་མ་ཆ་རེར་སོང་ནི་མ།།

བྱ་ཁོག་ལོ་རྒྱུས་ཐོག་ན་ཡོད་ནི་མ།།

ས་ཆ་ལ་ལར་སྐད་གྲགས་ཆེ་ནི་མ།།

སྐུ་གཟུགས་ཧ་ཅང་ཆེ་རྒྱུ་མེད་ནི་མ།།

འགྲམ་པ་གཡས་ན་རྐོ་དོང་ཡོད་ནི་མ།།

རྒྱུ་པྭ་གཉིས་ཀ་ཅུང་ཙམ་ཀུག་ནི་མ།།

ཁ་རྒོད་ཟེར་ནོ་ཧ་ཅང་ཡིན་ནི་མ།།

ཁ་ཤགས་རྒན་པོའི་དགའ་རོགས་འཕྲོག་ནི་མ།།

ཆུང་སྐྱིད་མདུན་ནས་རྐང་སྣམ་འཕུད་ནི་མ།།

ཆང་རག་འཐུང་ན་སྐད་མགོ་མཐོ་ནི་མ།།

རོགས་པ་ཆ་ཁར་ཧ་ཅང་འཆམ་ནི་མ།།

ཁ་མཚར་འབྲི་དུས་ཁ་ཚིག་རྣོ་ནི་མ།།

ཡིག་རྩལ་འབྲི་དུས་སྙུག་ཁ་མགྱོགས་ནི་མ།།

ཨ་རག་འཐུང་དུས་ཁ་ལག་མི་དལ་མ།།

ནམ་གུང་ཡིན་ཡང་ཡར་ལ་ལངས་ནི་མ།།

ག་དུས་ཡིན་ཡང་དགོད་ཁ་སློང་ནི་མ།།

འགྲོ་དུས་འདུག་དུས་རྗེས་ལ་ལུས་ནི་མ།།

རྩེད་མོ་རྩེ་དུས་ཞེ་དྲག་མི་འབྱོར་མ།།

ཏ་སི་རྩེ་དུས་མཚམས་རེར་ཁྲོ་ནི་མ།།

ཨ་ཁུ་བྱམས་པའི་ཤག་རོགས་བྱས་ནི་མ།།

པི་ཏིའི་ཡུལ་ནས་དགེ་རྒན་བྱས་ནི་མ།།

ད་ལྟའི་རྒན་མོར་དེ་དུས་རྙེད་ནི་མ།།

ཆུ་རྐྱལ་བྱེད་དུས་མཆུ་སྒྲོས་སྦྱར་ནི་མ།།

ལ་གཞས་བླངས་ན་ལ་སྐད་མི་ཤེས་མ།།

གླུ་དབྱངས་བླངས་ན་སྐད་ངག་མི་བདེ་མ།།

ཙ་ར་ཙེ་རེ་ལེན་གི་འདུག་ནི་མ།།

ནམ་རྒྱུན་འ་ཡ་འ་ཡ་ཟེར་ནི་མ།།

དར་ལམ་འདེད་དུས་ཐང་ང་རྒྱག་ནི་མ།།

ན་ར་ནེར་རེར་ཡར་ལ་ལངས་ནི་མ།།

ངར་ངར་བྱས་ནས་རྐང་པ་བརྡབ་ནི་མ།།

སྔོན་མ་ནང་བཞིན་ཐང་ང་རྒྱག་ནི་མ།།

མཇེ་ངན་ཟེར་ནོ་ཅིག་གི་ཆུང་ནི་མ།།

ཁ་ངན་ཟེར་ནོ་ཅིག་གི་རྒོད་ནི་མ།།

དྲ་ཚིགས་བརྒྱུད་ནས་འཁྱམས་ཉུལ་བྱེད་ནི་མ།།

གང་ས་གང་ལ་ཁ་རྩོག་གཏོར་ནི་མ།།

ཞག་ཚིལ་ཟས་ན་ཞེ་དྲག་མི་འཆུན་མ།།

ཇ་རྐྱང་འཐུང་བར་ཧ་ཅང་དགའ་ནི་མ།།

ལྡ་ལི་འཐུང་དུས་སྡིགས་སྨྲེ་འདོན་ནི་མ།།

གནའ་ཤོ་གནའ་ཤོ་ཁ་ཚིག་ཡིན་ནི་མ།།

མ་རབས་ཡིན་ནོ་ཡིད་ལ་མི་དྲན་མ།།

མ་རབས་རྡོ་རྗེ་གྲོགས་པོ་ཡིན་ནི་མ།།

མ་བོས་ན་ཡང་འགྲོན་ལ་དགའ་ནི་མ།།

མ་རབས་བྱས་ནས་ཕྱིར་ལ་ཕུད་ནི་མ།།

ཟ་ལི་རྒྱལ་ལགས། འདི་ནི་ཁྱེད་ཀྱིས་ཁྱིམ་གཞི་བཟུང་བར་རྟེན་འབྲེལ་མཚོན་བྱེད་དུ་ཁ་བཏགས་སྐྱ་ལི་ཞིག་གི་ཚབ་ཏུ་ཡིན། ཡར་ལ་བཤམ་མི་བཤམ་ཁྱེད་རང་གི་འདོད་པ་ཡིན། ངོ་མ་ཡིན། ཁྱེད་རང་གི་འདོད་པ་ཡིན།

• 
• #1

  ཟ་ལེ་རྒྱལ། (Friday, 18 September 2009)

  ང་རོ་ང་ཡི་ལོ་རྒྱུས་ཤེས་ནི་མ།།
  ང་ལ་ངོ་མས་ཆ་རྒྱུས་ཡོད་ནི་མ།།
  ས་ར་བྲིས་ན་སྲའི་ཡིན་འདྲ་མ།།
  གངས་ལམ་དེད་པའི་རྐང་རྗེས་ཡོད་ནི་མ།།
  གང་ནས་བྲིས་ན་དེ་ནས་ཤེས་ནི་མ།།
  མཛུབ་མོ་ལྔ་བོ་འདྲེ་ཡིས་བཟུང་འདྲ་མ།།
  ལོ་རྒྱུས་རི་མོ་སེམས་ལ་བྲིས་འདྲ་མ།།
  ང་རོ་ཞེས་བའི་ངོ་སྤགས་གོན་ནི་མ།།
  སུ་ཡིན་འདི་ཡིན་ཤེས་རྒྱུ་མེད་ནི་མ།།