མོའོ་ཙེ་ཏོང་གི་རོ་སྒམ་ལ་འཁོར་གསུམ་བསྐོར་བའི་ཉིན་མོ།

མི་ལོ་ཉི་ཤུའི་ཡར་སྔོན་གྱི་དེ་རིང

གནམ་སས་བར་མཚམས་བཀྱགས་པའི་ཉིན་མོ་ཡིན་ལ

མིག་ཆུ་བཞུར་ཤུལ་ནས་མེ་ཏོག་སྐྱེས་བའི་ཉིན་མོ་ཡིན

མི་ལོ་ཉི་ཤུའི་ཡར་སྔོན་གྱི་དེ་རིང

མེད་པོའི་སླ་ངར་ཁུ་ཞག་འཁྱིལ་བའི་ཉིན་མོ་ཡིན་ལ

དྭ་ཕྲུག་གི་ངག་ལ་གླུ་སྐད་འཁོར་བའི་ཉིན་མོ་ཡིན

མི་ལོ་ཉི་ཤུའི་ཡར་སྔོན་གྱི་དེ་རིང

ལུག་རྗི་ཚོས་བྱང་ཐང་ནས་ཀུ་རྡིར་བྱས་བའི་ཉིན་མོ་ཡིན་ལ

ནོར་རྗི་ཚོས་རི་མགོ་ནས་དུང་དཀར་བུས་བའི་ཉིན་མོ་ཡིན

མི་ལོ་ཉི་ཤུའི་ཡར་སྔོན་གྱི་དེ་རིང

ངས་རི་འདབས་ཀྱི་ཁང་བརྩེགས་མཐོན་པོར་ངོ་མཚང་དྲིས་བའི་ཉིན་མོ་ཡིན་ལ

ངས་ཁྱིམ་མཚེས་ཚང་གི་སྒོ་འགྲམ་ནས་ལ་གཞས་བླངས་བའི་ཉིན་མོ་ཡིན

མི་ལོ་ཉི་ཤུའི་ཡར་སྔོན་གྱི་དེ་རིང

ངས་བདེ་སྐྱིད་ལ་ལག་འཇུ་བྱས་བའི་ཉིན་མོ་ཡིན་ལ

ངས་སྡུག་བསྔལ་ལ་རྡོག་རྫིས་བརྒྱབས་པའི་ཉིན་མོ་ཡིན

མི་ལོ་ཉི་ཤུའི་ཡར་སྔོན་གྱི་དེ་རིང

ངས་གནམ་བདེ་སྒོ་མོ་ཆེ་ནས་རྟགས་གསལ་བཏང་བའི་ཉིན་མོ་ཡིན་ལ

ངས་མོའོ་ཙེ་ཏོང་གི་རོ་སྒམ་ལ་འཁོར་གསུམ་བསྐོར་བའི་ཉིན་མོའང་ཡིན།

༧ཡིད་བཞིན་ནོར་བུས་ཞི་བདེ་གཟེངས་རྟགས་བཞེས་ནས་མི་ལོ་ཉི་ཤུ་འཁོར་བའི་དུས་དྲན་ལ་དགའ་སྤྲོ་ཆེན་པོས་དབྱངས་སུ་གྱེར། ༢༠༠༩ ༡༢ ༡༠ །