ཨ་ཕའི་ལོ་ལོ་གཉིད་ལ་སྡོད།

ངའི་གཅེས་ཕྲག་མར་བྲིས།

ཨ་ཕའི་ལོ་ལོ་གཉིད་ལ་སྡོད

         ཨ་ཕས་སྨྱུག་ཁ་སྐོར་གི་ཡོད

         ཨ་ཕས་སྙན་ངག་འབྲི་ཡི་ཡོད

         ཨ་ཕས་ཁྱོད་ལ་སྒྱུ་རྩལ་གྱི་ཕོ་བྲང་ཞིག་བཞེང་གི་ཡོད

ཨ་ཕའི་ལོ་ལོ་གཉིད་ལ་སྡོད

         ཨ་ཕས་གྲོ་ཕྱེ་བརྫི་ཡི་ཡོད

         ཨ་ཕས་བག་ལེབ་འཚོང་གི་ཡོད

         ཨ་ཕས་ཁྱོད་ལ་གསེར་གྱི་རྣ་ལུང་ཞིག་ཉོ་ཡི་ཡོད

ཨ་ཕའི་ལོ་ལོ་གཉིད་ལ་སྡོད

         ཨ་ཕས་ཆབ་སྲིད་བཤད་ཀི་ཡོད

         ཨ་ཕས་རང་བཙན་རྩོད་ཀི་ཡོད

         ཨ་ཕས་ཁྱོད་ལ་རང་དབང་གི་ཁོར་ཡུག་ཅིག་འཚོལ་གི་ཡོད

ཨ་ཕའི་ལོ་ལོ་གཉིད་ལ་སྡོད

         ཨ་ཕས་ཀླད་པ་འགུལ་གི་ཡོད

         ཨ་ཕས་བསམ་བློ་གཏོང་གི་ཡོད

         ཨ་ཕས་ཁྱོད་ལ་རྩེས་རོག་ཆུང་ཆུང་ཞིག་ལས་ཀི་ཡོད

ཨ་ཕའི་ལོ་ལོ་གཉིད་ལ་སྡོད

         ཨ་ཕས་བོད་སྐད་བཤད་ཀི་ཡོད

         ཨ་ཕས་བོད་ཡིག་ཀློག་གི་ཡོད

         ཨ་ཕས་ཁྱོད་ཀྱི་མི་ཚེ་ལ་དབུ་འཁྱིལ་ཆུང་ཆུང་ཞིག་འབྲི་ཡི་ཡོད

ཨ་ཕའི་ལོ་ལོ་གཉིད་ལ་སྡོད

         ཨ་ཕས་ང་རྒྱལ་སྤང་གི་ཡོད

         ཨ་ཕས་ཕྲག་དོག་འདོར་གི་ཡོད

         ཨ་ཕས་ཁྱོད་ཀྱི་ཨ་ཕར་བཟོ་བཅོས་གསར་བ་ཞིག་རྒྱག་གི་ཡོད