སྦྲ་ཐང་སྨུག་ཁ་རུ་རྒྱོངས་ང་། སྐྲ་ལན་བུའི་བར་ནས་ལྟོས་ར།

རྟ་ར་རའི་ཁ་སྐོར་གཅུ་ནོ། ང་ཁ་འཁྱམ་ཟ་ལེ་རྒྱལ་ཡིན།

  • loading
  • #148

    འབའ.ཕུརབ། (Friday, 25 November 2011 23:32)

    ང་གྱི་ལིང་གྲོ་རྒྱ་ཟེར་བ།།
    ང་དང་མ་སྤང་རི་ཉུལ་དུས།།
    རྟ་མ་རྒྱུག་བསམ་པ་མེད་མོད།།
    ཁྱོད་འདྲ་འདྲའི་སྤང་གཞོང་བདེ་མོ།།
    ང་ད་ཐེངས་མིན་ནས་མ་ཐུག།

    ང་སྡེ་རུ་ཉུལ་གི་ཁ་འཁྱམ།།
    སྡེ་ཆེན་པོའི་ཁ་རི་ཉུལ་དུས།།
    རོགས་མ་རྩེ་བསམ་པ་མེད་མོད།།
    ཁྱོད་འདྲ་འདྲའི་རྩེ་རོགས་སེམས་བཟང་།།

    ང་ད་ཐེངས་མིན་ནས་མ་ཐུག།

  • #147

    འབའ་བ་ཕུར་བ་ (Friday, 25 November 2011 20:23)

    སྦྲ་ཐང་སྨུག་ཁ་རུ་རྒྱོངས་ང་། སྐྲ་ལན་བུའི་བར་ནས་ལྟོས་ར།རྟ་ར་རའི་ཁ་སྐོར་གཅུ་ནོ། ང་ཁ་འཁྱམ་ཟ་ལེ་རྒྱལ་ཡིན།

    ཡག་པོ་འདུག

  • #146

    ཙོང་ལ་ནས (Tuesday, 01 February 2011 04:17)

    ས་བ་ཡན་ཐང་གི་རྩེད་ར་གཅིག། སྡེ་བྱ་གཞུང་རིང་མོའི་རྩེད་རོགས་གཉིས།། མཚོ་སྔོན་པོའི་ཁ་ནས་ཐུག་དང་ཐ།།
    ཁ་ལ་གཞས་ཐེངས་གསུམ་བླངས་དང་ཐ།། སྨད་མདོ་ཁམས་སྒང་གི་ཉན་པ་ཚོ།། ཡིད་སྨོན་པ་ཤོར་ནས་ཧད་ཡོད་གི།
    གྲོགས་ཟ་ལེ་ཚང་གི་རྩེད་ར་གཅིག། ས་ཟི་ལིང་ཙོང་ལའི་རྩེད་རོགས་གཉིས།། གློག་དྲ་བ་ཚང་ནས་ཐུག་དང་ཐ།།
    ཁ་ལ་གཞས་ཚིག་གསུམ་བླངས་དང་ཐ།། སྒོ་ཕྱི་ནང་ཀུན་གྱི་བོད་པ་ཚོ།། ད་གྲགས་རྒྱུ་མེད་ནོ་ཅི་ཞིག་རེད།། ཟླ་བ་དབྱངས་ཅན་ལ། དེ་སྔོན་དྲ་རྒྱ་སླེབས་མ་ཐུབ་པས་དགོངས་པ་མ་ཚོམས།

  • #145

    ཟླ་བ་དབྱངས་ཅན (Saturday, 04 December 2010 12:57)

    དེ་རིང་ངའི་ཁ་པར་ནང་གི་བོད་ཡིག་འདི་དྲ་ཐོག་ཏུ་ཡོང་གི་ཡོད་མེད་ལ་ལྟ་ཆེད་ཡིན།

  • #144

    ཟླ་བ་དབྱངས་ཅན (Saturday, 04 December 2010 05:00)

    ཟླ་བས་ཁ་པར་ནང་གི་བོད་ཚོད་ལྟ

  • #143

    ཟླ་བ་གཡང་ཅན (Wednesday, 01 December 2010 11:55)

    ས་བ་ཡུན་ཐང་ལ་ཐོན་ནས།།
    ང་ཨ་ཐང་ཆད་ནི་མིན་མོད།།
    རྟ་ཁེར་རྒྱུག་བྱེད་འདོད་མེད་ལ།།
    ཁ་ཕྱིར་འཁོར་སྐྱ་མོ་ལམ་ཡིན།།
    ཟླ་བཞི་བར་ཕྱིར་ལ་ཡོངས་རྒྱུ།།
    ཐང་ཆེན་པོ་རྡུལ་གྱིས་བཀང་རྒྱུ།།

    སྡེ་བྱ་གཞུང་རིང་མོར་ཡོང་ནས།།
    ང་སུན་སྣང་སྐྱེས་ནི་མིན་མོད།།
    གླུ་ཁེར་ལེན་བྱེད་འདོད་མེད་ལ།།
    ཁ་ཕྱིར་འཁོར་རང་སྡེར་བུད་འགྲོ།
    ཟླ་འགའ་ནས་ཕྱིར་སྐོར་རྒྱག་རྒྱུ།།
    རོགས་ཡོད་ཚད་གཉི་ཀ་རྩེ་རྒྱ།།

  • #142

    ཟླ་བ་གཡང་ཅན (Wednesday, 01 December 2010 11:43)

    ཐང་ཡངས་ས་ཞིག་ལ་ཡོང་ནས།།
    རྟ་འདོ་བའི་ཁ་སྐོར་གཅུས་ར།།
    ས་འདི་ན་རྟ་བ་མེད་ཀི།
    ང་མི་འདུག་ཕྱིར་ལ་འགྲོ་རྒྱུ།།


    སྡེ་ཆེ་ས་ཞིག་ལ་ཡོང་ནས།།
    ཁ་ལ་ལ་ཐེངས་གསུམ་བླངས་ཡང་།།
    ས་འདི་ན་གླུ་བ་མེད་ཀི།
    ང་མི་འདུག་ཕྱིར་ལ་འགྲོ་རྒྱུ།།

  • #141

    ཟླ་བ་གཡང་ཅན (Thursday, 11 November 2010 11:13)

    ལྷ་མ་མཇལ་ས་ཞིག་མེད་དྲ།། དབུས་སེར་བོའི་ཇོ་བོ་མ་མཇལ།། མཇལ་ཐུབ་ན་དེ་ཐེང་མཇལ་རྒྱུ།། མཇལ་མ་ཐུབ་ཕྱིར་སྐོར་རྒྱག་རྒྱུ།།
    ནམ་ཡིན་རུང་མཇལ་ཐུབ་བྱེད་རྒྱུ།།
    རོགས་མ་འགྲོག་ས་ཞིག་མེད་དྲ།། ས་ཙོང་ལའི་བུ་ལོ་མ་འགྲོག། འགྲོག་ཐུབ་ན་ད་ཐེང་འགྲོག་རྒྱུ།། འགྲོག་མ་ཐུབ་ཕྱིར་སྐོར་རྒྱག་རྒྱུ།།
    ནམ་ཡིན་རུང་རྩེ་ཐབས་བྱེད་རྒྱུ།།

  • #140

    ཟླ་བ་གཡང་ཅན (Thursday, 11 November 2010 11:05)

    ཨ་ཁུ་ཙོང་ལ་སྐུ་བདེ་མོ་ཡིན་ནམ། སྔོན་ཆད་མཇལ་ནི་མེད་འོན་ཀྱང་ཟ་ལེ་ཚང་གི་རྩེད་ཐོག་ནས་ཐུག་ན་བསོ་གི་ཡ།

  • #139

    ཙོང་ལ་རི་མོ (Wednesday, 18 August 2010 16:45)

    གང་ཡིན་མི་ཤེས་མོེད། ཡོད་ཚད་གསར་བར་གྱུར་ན་བླུན་རྟགས་ཞིག་མཐོང་གི་འདུག

  • #138

    ཙོང་ལ་རིང་མོ། (Sunday, 18 July 2010 09:58)

    ཟ་ལེ་རྒྱ་ཡུལ་ན་མེད་ཀི སྒོ་ཁའི་ཁྱི་རྒན་དེར་ཕལ་ཆེར་ཉིན་ཁ་ཤས་ལ་ལྟོ་བླུད་མེད་ས་རེད། ལམ་འགྱོ་བ་ཚོས་ལྟོས་ན་སྙིང་རྗེ་ནི་ཟིག་རེད། རྐྱ་སྟོང་དེ་གང་ཟིག་ལ་བུད་སོང་ནས་ནིང་། ད་ལས་རྒྱུ་མེད་ན་ཁོ་སང་གི་ཟླ་བ་གཡང་ཅན་ལ་ཞར་ཀི་འགྱོ།
    དགོང་ཨ་སྔོན་གཡུ་ཡི་ལྡིང་ཁང་ནས།། འབྲུག་ཕོ་ཆུང་གཉིད་ལ་ཤོར་སོང་ཟིག།
    དེ་གཉིད་ལ་ཤོར་གི་བར་སྐབས་ནས།། ང་གློག་ཞགས་འཁྱུག་ར་སད་ནི་རེད།།
    ས་རང་སྡེ་གཡང་དྲུང་སྒོ་བཞི་ནས།། རོགས་ཆུང་ལོ་ལམ་མ་མཆིས་སོང་ཟིག།
    དེ་ལམ་མ་མཆིས་བའི་བར་སྐབས་ནས།། ངས་ཚིག་གསུམ་རྩེད་ར་ཡོག་ནི་རེད།།

  • #137

    ཙོང་ལ་རིང་མོ། (Sunday, 18 July 2010 09:35)

    ཁ་ཉིན་ཡང་མདོ་སྨད་གཡང་སྡེ་ཞིག་ལ་ས྄ོང་ནས་འདི་འདྲའི་ལ་གཞས་རྣོན་པོ་ཞིག་ཤེས་སོང།ཟ་ལེའི་ཚང་ལ་ཡོང་བར་ལག་སྟོང་མིན་པ་ཙམ་གྱིས།
    ཕོ་གསར་དེས། རྟ་བརྒྱ་རྟ་མང་ཚོགས་ས་ནས།། ང་རྟ་ར་མེད་དྲ་སྒ་ར་མེད།། རྒྱུགས་དགོས་ན་ལག་ན་སྲབ་དྲ་མེད།།
    རོགས་བརྒྱ་རོགས་མང་ཚོགས་ས་ནས།། ང་རོགས་ར་མེད་དྲ་ཚིག་ར་མེད།། འགྲོགས་དགོས་ན་ལག་ན་སྒོར་མོ་མེད།།
    ཁ་བདེ་མས་འདི་ལྟར་ལན་བགྱིས་སོང་། ཁྱོད་རྟ་བོ་ཞོན་ན་འདོད་ནི་ཟིག།། ཁྱོའི་ལག་ན་སྒ་ཆ་མེད་ནི་ཟིག༏ ཅི་འདྲ་འདྲའི་རྟ་བདག་ཡ་མཚན་ཟིག། རོགས་ཆུང་ལོར་རྩེ་ན་འདོད་ནི་ཟིག། ཁྱོའི་ལག་ན་སྒོར་མོ་མེད་ནི་ཟིག། ཅི་འདྲ་འདྲའི་རྩེད་རོགས་ཡ་མཚན་ཟིག།།

  • #136

    མདོ་ལའི་འཁྱམས་པོ། (Friday, 18 June 2010 19:54)

    ཨ་རོ་ཟ་ལེ་རྒྱ། ངས་ཁྱོ་ལ་དེང་རབས་གསར་བའི་ལ་གཞས་ཤིག་གི་ཞལ་འདེབས་རྒྱག།
    སྟོད་སྐུད་མེད་དྲྭ་རྒྱ་ནང་ནས།།
    གྲོགས་གཉིས་རེ་གཉིས་རེ་སྒྲིག་གི།།
    ང་སྒྲིག་རོགས་མེད་ལ་བསྡད་ཡོད།།
    ངའི་སྒྲིག་རོགས་དྲྭ་མོ་ཁྱོ་ཞེས།།

    སྨད་གྲོང་ཁྱེར་ཞབས་བྲོའི་ཁང་ནས།།
    རོགས་གཉིས་རེ་གཉིས་རེ་འཁྲབ་གི།
    ང་འཁྲབ་རོགས་མེད་ལ་བསྡད་ཡོད།།
    ངའི་འཁྲབ་རོགས་གསར་མོ་ཁྱོ་ཞེས།

  • #135

    ནོར་རྫི་ཚེ་རིང (Wednesday, 09 June 2010 12:59)

    ཨ་ཁུ་རྩམ་དགའ་རྩམ་ཁུག་འཚོལ་དུ་བྱིན།། ཟླ་བ་གཡང་ཅན་ཟླ་བོས་དམ་ལ་བཏག།
    ཟ་ལེ་ཚང་གི་རྩེད་ཁང་གྲི་བཞི་འདི།། ལ་ལའི་དབྱངས་རྟས་བོར་ནས་ཟླ་འགའ་འགོར།།

    ཨ་རྩམ་དགས་རྩམ་ཁུག་ཁྱེར་ནས་ཤོགས།། ཟླ་བས་ཟླ་བོའི་བཀའ་རྒྱ་གཏོར་ནས་ཤོགས།།
    ནོར་རྫི་ངས་ཀྱང་འུར་ཆ་བཟུང་ནས་ཡོང་།། རྩེ་ར་འདི་ནས་རྩེ་མགོ་ཡང་བསྐྱར་འཛུགས།།

  • #134

    ཟླ་བ་གཡང་ཅན (Friday, 09 April 2010 08:05)

    དགོང་ཨ་སྔོན་གཡུ་ཡི་ལྡིང་ཁང་ན།།
    འབྲུག་གྲགས་རྒྱུ་མེད་ནོ་ཅི་ཞིག་རེད།།

    ས་རང་སྡེ་གཡང་དྲུང་སྒོ་བཞི་ན།།
    རོགས་མཐོང་རྒྱུ་མེད་ནོ་ཅི་ཞིག་རེད།།

  • #133

    ཟླ་བ་གཡང་ཅན (Saturday, 27 March 2010 07:59)

    ནོར་བཅས སྤང་

  • #132

    ཟླ་བ་གཡང་ཅན (Saturday, 27 March 2010 07:58)

    རྟ་འདོ་བའི་ཕ་ས་གང་གི་ཡིན།།
    ང་གྲོ་རྒྱལ་སྥང་དཀར་ཀླད་གྱི་ཡིན།།
    ས་སྥང་དཀར་རྟ་བརྒྱ་སྤྱི་ཡི་རེད།།
    རྟ་ཁྱོད་ར་རྒྱུག་དང་ང་ཡང་རྒྱུག།

    ཕོ་ཁྱེད་རང་ཕ་ས་གང་ནས་ཡིན།།
    ང་བུ་མོ་སྡེ་ཆེན་ད་ནས་ཡིན།།
    ཁ་ལ་གཞས་རོགས་བརྒྱ་སྤྱི་ཡི་རེད།།
    རོགས་ཁྱོད་ཀྱིས་ལོངས་དང་ངས་ཀྱང་ལེན།།

  • #131

    འབྲོང་བདའ (Friday, 19 February 2010 16:28)

    དགོ་གཡང་རེ。。。。。。
    ན་ནིང་ལུག་མང་གྲལ་གྱི་ལག་ག་ཁྱོད
    རྩི་ཐོ་ལྡུམ་བུ་ཟས་ནས་མ་ཤི་ཐ
    ད་ལོ་སྲས་ཁ་བུ་ཡག་བཙན་ནི་གི
    ཕྱུག་བདག་དགའ་ཟིག་མེད་ན་དཀའ་རྒྱུ་རེད

  • #130

    རྩམ་དགའ (Saturday, 13 February 2010 17:16)

    མ་མཐོང་སེམས་ཐག་ཉེ་བའི་རྒྱང་རིང་གི་གྲོགས་པོ་ཟ་ལེ་ལགས།
    ལོ་གསར་བའི་ནང་ལ་བྱ་བ་ལམ་འགྲོ་ཡོང་བའི་སྨོན་ལམ་དང་བཀྲིས་བདེ་ལེགས་ཡོད།
    མི་ཆུང་ངས་ད་བར་དུ་འདིར་རྐང་བརྐྱངས་ལག་བརྐྱངས་བྱས་ནས་བསྡད་རིང་ངོ་མས་སྐྱིད་པོ་བྱུང་ཐུགས་རྗེ་ཆེ།
    དེ་མིན་གཞན་ཅང་བཤད་ཡ་མེད་བདེ་མོ།

  • #129

    རྩམ་དགའ་ (Tuesday, 02 February 2010 05:30)

    སྟོད་སྡེ་ཆེན་དཀྱིལ་གི་ཞི་མོ་ཚོ། །
    གླུ་ལ་གཞས་ལན་གི་ཕེབས་ཤོག་ར། །
    སྨད་ཡུལ་ལུང་གླུ་ཡི་ཞིང་ཁམས་ནས། །
    ཕོ་ལ་གཞས་ཅན་པོ་ཐོན་ནས་ཡོད། །

    གླུ་ལ་གཞས་ཆར་བ་འབབ་འབབ་རེད། །
    ཆར་བསིལ་མ་ལོ་ཡག་རྟེན་འབྲེལ་རེད། །
    འབྲི་སྣ་ལྔར་རེ་བའི་ན་ཟླ་ཚོ། །
    ད་མ་འདུག་གླུ་ཡི་ཞིང་ལ་ཕེབས། །

  • #128

    རྩམ་དགའ (Thursday, 31 December 2009 22:30)

    གླུ་ལ་གཞས་ལན་པའི་གྲོགས་ཡོངས་ལ། །
    ལོ་གསར་བའི་ཚེས་བཟང་ཉིན་མོ་འདིར། །
    ང་ཨ་ཁུ་རྩམ་དགའི་སེམས་གཏིང་ནས། །
    བཀྲ་ཤིས་པའི་རྟེན་འབྲེལ་ལན་གསུམ་ཞུ། །

  • #127

    རྩམ་དགའ (Monday, 28 December 2009 06:53)

    ༁་ཁུ་རྩམ་དགའ་ང་ཞི་མོ་ཆ་རེར་ཐུག་ནས་ད་བར་ལྷག་སོང་ཐལ། པཱོ་ཟིག་ལངས་མི་ཉན་ནོ་ཤེས་ཀ་ཟེར།

  • #126

    ནོར་རྫི་ཚེ་རིང (Tuesday, 22 December 2009 07:51)

    ཚང་མ་བཏོན་དང་ང་།

  • #125

    རྩམ་དགའ་ (Tuesday, 22 December 2009 00:28)

    རྟ་འདོ་བ་འགྱོག་ནོ་བཤད་ན། །
    དགོང་གནམ་མཁའི་བྱ་ཡི་འགྱོག་རེད། །
    རྒྱུགས་གོམ་ཁ་དྲང་ནོ་གླེང་ན། །
    མདའ་ལི་མ་གན་གི་ཡན་རེད། །

  • #124

    ཟ་ལེ་རྒྱལ། (Sunday, 20 December 2009 10:27)

    འ་ལགས་ནས་ང་ལ་འོག་གི་འབྲེག་ཐག་འདི་གནང་བར་ཐུགས་རྗེ་ཆེ།

  • #123

    མོ་སྟོན་ཕག་མགོ (Saturday, 19 December 2009 20:58)

    རྟ་འདོ་བ་དྲུག་ཞེང་ཅན་པོ།།
    རྒྱུག་གོམ་ལག་ནམ་མཁའི་བྱ་ཡིན།།
    རྒྱལ་འཇོག་གི་སྥོབས་པ་ཡོད་ན།།
    གྲོགས་ཟ་ལེའི་དྲ་བར་ཕེབས་ཤོག།

  • #122

    འ (Saturday, 19 December 2009 20:36)

    http://www.youtube.com/watch?v=5Ke3afKeP6U

  • #121

    tenxin (Saturday, 19 December 2009 20:33)

    hi

  • #120

    ནོར་རྫི་ཚེ་རིང (Friday, 18 December 2009 01:44)

    རྟ་འདོ་བ་དུད་འགྲོ་གཉོམ་ཆུང་རེད།།
    ངས་མི་ཞོན་ད་ཐང་འཇོག་རྒྱུ་ཡིན།།

    ཁ་ལ་གཞེས་ཁ་ཡི་ཁ་རླངས་རེད།།
    ངས་མི་ལེན་ད་ཐང་འཇོག་རྒྱུ་ཡིན།།

  • #119

    རྩམ་དགའ (Thursday, 17 December 2009 17:20)

    རྒྱལ་འཇོག་གི་སྤོབས་པ་མེད་ཀི །
    སྒལ་སྲབ་ཀི་རྒྱལ་ཕམ་མི་རྩོད། །
    ཁ་ལ་གཞས་ཐར་ཐོར་ལན་ཞོར། །
    རྒྱུགས་གོམ་ལག་འགྲན་ན་ང་ཡོང་། །

  • #118

    དཀོ་ལོ་མ་ལོ། (Thursday, 17 December 2009 12:32)

    རྟ་རྒྱུག་ནི་ཡོད་ན་རྒྱལ་འཇོག།
    རྒྱལ་འཇོག་ན་རྒྱབ་ཀི་སྒལ་འཇོག།
    སྒལ་འཇོག་ནི་ཡོད་ན་འདིར་ཤོག།

    རོགས་རྩེད་ནི་ཡོད་ན་རྒྱལ་འཇོག།
    རྒྱལ་འཇོག་ན་རྒྱབ་ཀི་མཐོ༼མཐུ་བ༽འཇོག།
    མཐོ་འཇོག་ནི་ཡིད་ན་འདིར་ཤོག།

  • #117

    རྩམ་དགའ (Wednesday, 16 December 2009 18:37)

    ཁྱོད་ནོར་རྫི་འགྲོ་ས་རི་ལུང་རེད། །
    རི་ལ་ཐུར་གཉིས་ཀ་བགྲོད་ལམ་རེད། །
    ཁ་ལ་གཞས་ཁྱར་ཁྱོར་འཐེན་རོག་དེ། །
    མ་འབྲོག་མོ་ཡིན་ནོ་ཤེས་ནི་རེད། །

    ཁྱོད་ནོར་རྫི་ནོར་གི་དགྲ་ཟིག་རེད། །
    རི་སྤྱང་ཁུ་དམར་བོའི་བཙོག་ཟིག་རེད། །
    ནོར་མང་བོ་བཤས་ནས་ཟས་དང་ཐལ། །
    ཁ་ཁོམ་དུས་མ་ཎི་ལོས་ཟིགའདོན། །

    ཁྱིམ་རྒན་མོ་མེད་ན་བཀའ་ནི་རེད། །
    མོ་རིག་རིག་ཚང་མར་ཁ་ཡག་ཤོད། །
    ས་འདི་ན་ཨ་ཁུ་རྩམ་དགའ་ངས། །
    གྲོགས་ཁྱེད་ལ་རོགས་ཟིག་བཙལ་རོག་བྱེད། །



  • #116

    ནོར་རྫི་ཚེ་རིང (Wednesday, 16 December 2009 12:06)

    ནོར་རྫི་དད་པ་ཅན་པོ་མི་ཁོམ་རུང་།།
    སེམས་ཁོམ་དུས་གསོལ་འདེབ་ཀྱིན་ཡོད།།
    ཁ་ཁོམ་དུས་མ་ཎི་འདོན་གྱིན་ཡོད།།
    ཤི་དམྱལ་བའི་འཇིག་སྐྲག་བསམ་གྱིན་ཡོད།།

    ང་ནོར་རྫི་གནས་ས་རི་ལུང་ཡིན།།
    ཕྱག་འཚལ་ས་དཀོན་ཅོག་རྣམས་གསུན་ཡིན།།
    ངའི་རྩེད་རོགས་ཁ་ཡ་ན་ཟླ་ཡིན།།
    ངའི་རྩེད་ཆས་ཁ་མཚར་ལ་ལ་ཡིན།།

    ང་ནོར་རྫི་དགའ་ས་མཛེས་མ་ཡིན།།
    ངས་སྡེ་རི་ཉུལ་དོན་དེའི་ཆེད་ཡིན།།
    ང་རྒན་མོ་མེད་ལ་མི་རྐྱང་ཡིན།།
    རོགས་གང་ནས་ཐུགས་ན་རྩེ་རྐྱང་ཡིན།།

  • #115

    རྩམ་དགའ (Tuesday, 15 December 2009 20:08)

    ཨ་ཁུ་བུ་མོར་དགའ་ནོ་ཁོ་ཐག་ཡིན། །
    ནོར་རྫི་དད་པ་ཅན་ཡིན་མི་ཤེས་ཀི །
    མཛེས་མར་རིགས་དུས་ང་ལས་བཙོག་ཟིག་རེད། །
    རྒན་མོ་ཡོད་དུས་ཉམ་ཆུང་འདྲ་ཟིག་རེད། །

    ཨ་ཅེ་ཟླ་བ་འགྱུར་ནས་འགྲོ་གོ་གི །
    ཟ་དང་ཟུར་ནས་རྒས་རྟགས་སྟོན་གོ་གི །
    གཅེས་ཕྲུག་འགའ་རེའི་ཨ་མར་འདོད་གོ་གི །
    བ་ལི་ཆ་རེར་བཞོ་ན་འདོད་གོ་གི །

  • #114

    ཟླ་བ་གཡང་ཅན (Tuesday, 15 December 2009 12:08)

    ཨ་ཁུ་དགེ་སློང་བུ་མོ་དགའ་གི།
    ནོར་རྫི་རྒད་པོ་དད་པ་ཡོད་གི།
    ནག་མོ་ནོར་ལ་གོ་བ་མེད་གི།
    ན་ལུང་སྨུག་ལ་དུང་མཐའ་མེད་གི།

    བུ་མོས་བསམ་དོན་འགྲུབ་ཐལ།།
    འབྲི་མོ་ཡུལ་ལ་དོན་ཐལ།།
    དགོ་དགོ་ངག་གིས་བཀུག་ཏེ།།
    འོ་མ་འཇོ་རུ་ང་འགྲོ།།

  • #113

    རྩམ་དགའ (Tuesday, 15 December 2009 07:32)

    བླ་ཆེན་ཞིག་གི་མདུན་ལ་མི་འགྲོ་ཁོ་ཐག་ཡིན། །
    ང་དང་ཁོ་ཡི་རྩོད་གཞི་བཙོག་ནོ་མཁྱེན་ནི་རེད། །
    ཨ་ཅེ་ཁྱེད་ཀྱིས་བར་འདུམ་གནང་ན་འགྲིག་ནི་རེད། །
    མཚན་མོ་ཞིག་གི་དོན་དག་ཡིན་ནོ་ཤེས་ནི་རེད། །

  • #112

    ཟླ་བ་གཡང་ཅན (Tuesday, 15 December 2009 03:14)

    དགོན་ཆེན་སྒྲིག་གིས་བསྡམ་པའི་དགེ་སློང་དང་།། དུས་བཞིར་རི་ལུང་འགྲིམ་པའི་ནོར་རྫི་གཉིས།། ན་ཆུང་བུ་མོ་དག་གི་རྩོད་གཞི་འདི།། བླ་ཆེན་དམ་པའི་མདུན་གླེང་རོགས་ཞུ།།

  • #111

    ནོར་རྫི་ཚེ་རིང (Monday, 14 December 2009 11:38)

    ཟ་ལེ་ལགས།
    ལྐ་ལྐོ་ད་དུང་བརྒྱུད་ནས་དེ་རིང་འདྲ་སྡེ་ཐང་ལ་སླེབ་སོང་
    ད་ཇ་མངར་མོ་རེ་ཡོད་ན། ཤ་ཚོན་པོ་རེད་ཡོད་ན་ཁྱེར་ཤོག་དང་

  • #110

    ཟ་ལེ་རྒྱལ། (Saturday, 12 December 2009 14:46)

    ནོར་རྫི་ཚེ་རིང་ལགས
    ངའི་དྲ་མགོན་དུ་ཕེབས་པར་ཐུགས་རྗེ་ཆེ། ཕལ་ཆེར་ཁྱོད་རང་སྣ་དང་རྐང་བ་གཉིས་ཀས་ཆེ་ཆུང་ལ་འགྲན་བསྡུར་བྱེད་བཞིན་པའི་གྲོགས་པོ་དེ་ཡིན་པ་འདྲ་བས། ཡིན་ན་ལན་ཞིག་བྱིན།

  • #109

    ཟ་ལེ་རྒྱལ། (Saturday, 12 December 2009 14:43)

    ས་འདི་ན་རོགས་ལོ་མང་གི།
    རོགད་རང་མཐུན་རང་ང་དཀོན་གི།

    ས་འདི་ན་སེང་དུང་མང་གི།
    སེང་རང་གྲགས་རང་ང་དཀོན་གི

  • #108

    རྩམ་དགའ (Saturday, 12 December 2009 06:27)

    རྒད་པོ་ལགས།
    ལ་གཞས་འདི་ནི་འཇིག་རྟེན་ཕོ་མོ་ལས། །བཙུན་པ་དག་གིས་དོར་བྱ་ཡིན་པའི་རྟགས། །
    ཁྱེད་ལ་ཡོད་ན་ད་ལྟར་ཁུར་ནས་ཤོག །མེད་ན་ནོར་རྫི་ཁྱོད་ནི་ངོ་རེ་ཚ། །
    ཁ་ནས་གསལ་དང་མ་གསལ་མི་འདུག་ལོ། །ཁྱོད་ལ་སེམས་ཁུར་ལྕི་ནོ་ཤེས་ནི་རེད། །
    ཨ་ཁུ་བཙུན་པ་དག་གིས་ནོར་རྫི་ཁྱོའི། །རྒན་མོ་འཕྲོག་ནས་འབྲོ་ནི་མ་རེད་ལོ། །
    ནོར་ལུག་མི་ཚང་སེམས་ཁུར་ཆེ་དང་གཅིག །རྒན་མོས་རྒྱོ་གི་མི་འཇུག་དཀའ་ལེ་གཉིས། །
    གང་ཡང་མེད་པའི་དགེ་སློང་བཙུན་པ་ཚོའི། །མི་ཚེ་འདི་ལས་སྐྱིད་ཅིག་གང་ན་ཡོད། །
    ད་ནི་བཙུན་པ་ཁོ་བོ་འགྲོ་རན་སོང་། །བུ་མོ་ན་ཆུང་ཞིག་གིས་འབོག་གོ་གི །
    ནོར་རྫི་ཁྱོད་དང་རྩེས་ནས་འདུག་བསམ་ཡང་། །གན་གི་སྒུག་ནོ་བཙོག་གི་བུད་ལ་འགྱོག །

  • #107

    ནོར་རྫི་ཚེ་རིང (Friday, 11 December 2009 22:55)

    བཙུན་པ་ལགས།
    འཇིག་རྟེནཕོ་མོའི་ལ་གཞས་ཟེར་བ་འདི།། བཙུན་པ་འདུ་ཁྲིམས་ཅན་གྱི་བརྒྱང་བྱ་མིན།། ལང་ཚོ་དར་ལ་བབ་པའི་གཞོན་ནུ་མ།། དགེ་སློང་སྡོམ་ལྡན་རྣམས་ཀྱི་རྩེད་རོགས་མིན།།
    ལུག་རྫི་ནོར་རྫི་དག་གི་རྩེད་ཆས་འདི།། གྲྭ་བ་གཟན་ཤམ་ཅན་གྱི་བསླང་བྱ་མིན།། འཁོར་བའི་གཏང་རྡོ་ལྕི་བའི་ཁྱིམ་པ་ལ།། དགེ་སློང་ཡིད་སྨོན་ཤོར་བ་ཡ་རེ་ང་།།
    ནོར་རྫི་དད་པ་ཅན་པོས་ཞུ་བ་བྱེད།། དགེ་སློང་དབེན་གནས་འགྲིམ་པས་རེ་བ་ཞུ།། འདུ་ཁྲིམས་ཉམས་ཆག་མི་གཏོང་རེ་བ་ཞུ།། བླ་མའི་བཀའ་དང་མི་འགལ་རེ་བ་ཞུ།།
    དྲིན་ཅན་ཕ་མའི་རེ་འབྲས་ཡོད་དོ་ཅོག། རྩ་བརླག་མ་གཏོང་རི་ཁྲོད་འགྲིམ་པའི་བུ།། དམ་པ་ཆོས་ཀྱི་སྙིང་བོ་མ་ནོར་བར།། ཉམས་སུ་ལོངས་ཤིགས་སྟོན་པའི་རྗེས་འཇུག་པ།།

  • #106

    རྩམ་དགའ (Wednesday, 09 December 2009)

    ནོར་ལུག་ཆ་བོ་ཕར་ལ་ཤོར་ནས་ཐལ། །
    ཨ་ཁུའི་ཁ་ལ་ཉན་ནས་མ་འདུག་ལོ། །
    ནོར་ལུག་ཁ་ཁེར་དོ་དགོང་མ་ཚང་ན། །
    རྒན་མོས་ཉལ་ཁ་སྡུག་ན་དཀའ་ནི་རེད། །

  • #105

    ནོར་རྫི་ཚེ་རིང (Wednesday, 09 December 2009 04:03)

    ནོར་བཅོས
    བླ་རྒན་རྩམ་དགའ

  • #104

    ནོར་རྫི་ཚེ་རིང (Wednesday, 09 December 2009 04:01)

    ཞི་མོ་འདི་ཆ་ཅི་ཞིག་མ་ཉན་ནས་ན། ད་ལྦ་རྩམ་དགའ་རྫོག་རྒྱུ་རེད་གོ། བྱ་ངན་འདི་འདྲ་ཞིག་གི་རྐྱེན་གྱིས་ད་ཁ་སང་དེ་རིང་གྲྭ་བ་བརྒྱ་ཆའི་མང་བོ་ཞིག་ལོག་འགྲོ་གི་ཡོད་ནི་རེད། ཨ་ཤུ་རེ་གོ

  • #103

    རྩམ་དགའ (Saturday, 05 December 2009 20:22)

    ཨ་ཅ་ཟླ་བས་དེ་རིང་ཆི་ཟེར་གི། །གོང་ལྷ་ཆེན་ཚང་པའི་ཞིང་ཁམས་ནས། །
    དམའ་ཀླུ་ཡི་གྲོང་ལ་ཐུག་པའི་བར། །བུ་མོར་མི་འདོད་ཕོ་ཟིག་ཨེ་ཡོད་ལགས། །

    གྲྭ་ཁྲིམས་བཙན་པོའི་འོག་ན་ཡོད་གྱུར་ན། །ཨ་ཁུ་རྩམ་དགའ་ཁོ་བོ་སྔོན་ཟིག་ནས། །
    དགེ་བསྐོས་ཤིག་གི་དབྱུག་པའི་འོག་ནས། །ཁ་དང་རླིག་པ་འདི་གཉིས་ཚར་སོང་ཡོད། །

    བཙུན་མ་ཆ་བོའི་སྒོ་ཁ་ལོས་རྒྱག་ར། །ཨ་ཅ་ཁྱོས་ཀྱང་རུམ་ཁ་ལྷོད་མི་ཉན། །
    ཨ་ཁུའི་རླིག་པ་འདི་ཡིས་མི་ཉན་ནོ། །བུ་མོ་བརྒྱ་ཡི་སེམས་ལ་ཡོད་ནི་རེད། །

    ཨ་ཁུ་རྩམ་དགའི་སེམས་ཀྱི་རྩེད་རོགས་མ། །ཨ་ཅ་ཟླ་བ་གཡང་ཅན་ཁྱོད་ཀྱིས། །
    ཨ་ཁུ་ཁོ་བོ་སེམས་ནས་མ་བརྗེད་པར། །ཨ་རོགས་ཟེར་བཞིན་ཐོན་ནོ་བཟང་ཐལ་ལོ། །

  • #102

    ཟླ་བ་གཡང་ཅན (Saturday, 05 December 2009 12:32)

    གསར་བུ་ཟ་ལེ་ཚང་གི་རྩེད་ར་ན།། ཨ་ཁུ་རྩམ་དགས་སྡུག་གཏམ་བཤད་ནོ་བལྟོས།། བུ་མོ་མང་བོ་བཙལ་ན་འདོད་གོ་ཁུ།། རིན་ཆེན་སྡོམ་པའི་རིན་ཐང་ཉམས་གོ་ཁུ།། ཨ་ཁུའི་འདོད་པའི་རྒྱལ་མཚན་ལང་གོ་ཁུ།། ཨ་ནེ་ཁར་ཁེར་ཚེ་ཐག་ཐུང་གོ་ཁུ།། བཙུན་དགོན་སྒོ་ཆེན་གཏན་ན་ཡག་ཚད་རེད།། ཨ་ཁུ་འུ་ཚུག་ཅན་པོ་འགོག་ཚད་རེད།། བཙུན་མའི་སྡོམ་པ་བདག་པོ་རྒྱག་ཚད་རེད།།
    ཨ་ཁུ་རྩམ་དགའི་སེམས་ལ་མ་གནོད།། ཨ་ནེ་བཙུན་མ་དགོང་པ་མ་ཚོམས།། ཨ་རོགས་ཟ་ལེ་ཚང་གི་རྩེ་རར།། ལན་གཅིག་རྩེ་རུ་ཡོང་ན་སྐྱིད་གི།

  • #101

    རྩམ་དགའ (Thursday, 03 December 2009 01:56)

    ཨ་ཁུ་རྩམ་དགའ་ཕོ་རྒོད་མེད་པས། །
    ཞི་མོ་ཆ་བོ་རྒྱང་ནས་བྲོས་འགྲོ་གི །
    མཇེ་ངན་འདི་ཡིས་ཧ་ཟིག་མི་གོ་ནོ། །
    ར་ཕོ་འདི་ལས་སྡུག་ཟིག་ཡིན་ནོ། །

  • #100

    རྩམ་དགའ (Sunday, 29 November 2009 16:48)

    སྦྲ་ཐང་སྨུག་གན་གི་མཐའ་ན། །
    རྟ་ཁེ་འདུག་རིག་ནོ་གན་གི །
    མགོ་ཐང་ལ་སྒུར་ནོ་བལྟས་ན། །
    རོགས་རྩེད་རོགས་དྲན་ནོ་ངན་གི །

  • #99

    ཟ་ལེ་རྒྱལ། (Friday, 27 November 2009 22:26)

    རྨ་ཕ་རིའི་སྨྱུག་ལུང་ད་ནས།།
    སྨྱུ་བཏབ་ནས་ལོ་ར་ཟླ་ཡིན།།
    སྨྱུག་སེར་རོ་སྐྱེས་སྟོབས་མེད་ན།།
    མདའ་ལི་མ་ངན་ཁག་མ་འཇོག

རྩོམ་ཡིག་གསར་བ་རྩམ་པའི་ནང་ན་ཡོད།

མཚོ་སྔོན་བོད་སྐད་རླུང་འཕྲིན།

མཚོ་སྔོན་པོའི་ཟིན་བྲིས། མཚོ་སྔོན་པོའི་ཟིན་བྲིས།

བོད་ཀྱི་དུས་བབ།

ཨེ་ཤ་ཡ་རང་དབང་རླུང་འཕྲིན།

གསལ་ལེ་རྒྱལ་གྱི་ཀུ་ཀོ།